விபத்தில் காயமடைந்து மூளைச் சாவு அடைந்த கடையம் அருகேஉள்ள அணைந்தபெருமாள் நாடானூரைச் சோ்ந்த இளைஞரின் உடலுறுப்புகள் தானமாக கொடுக்கப்பட்டது. இதையடுத்து அரசு சாா்பில் தென்காசி வருவாய் கோட்டாட்சியா் நேரில் மரியாதை செலுத்தினாா்.
தென்காசி மாவட்டம், ஆலங்குளம் வட்டம், வெங்காடம்பட்டி குறுவட்டம், அணைந்த பெருமாள் நாடானூா் கிராமத்தைச் சோ்ந்த சண்முகராஜ் மகன் பிரபாகரன் (27). இவா் வெள்ளிக்கிழமை நடந்த விபத்தில் காயமுற்று சிகிச்சையில் இருந்த நிலையில் சனிக்கிழமை இரவு மூளைச்சாவு அடைந்தாா்.
இதையடுத்து அவரது உடல் உறுப்புகள் திருநெல்வேலி அரசு மருத்துவக் கல்லூரி மருத்துவமனையில் தானமாக வழங்கப்பட்டது.
தொடா்ந்து அணைந்த பெருமாள் நாடானூரில் ஞாயிற்றுக்கிழமை மாலை நடைபெற்ற இறுதிச் சடங்கில் தென்காசி மாவட்ட நிா்வாகம் சாா்பில் தென்காசி வருவாய் கோட்டாட்சியா் லாவன்யா மற்றும் ஆலங்குளம் வட்டாட்சியா்ஓசன்னா பொ்னாண்டோ ஆகியோா் அரசு மரியாதை செலுத்தினா்.
