மே.இ.தீவுகளுக்கு எதிரான 2-வது ஒருநாள் போட்டிக்கான பிளேயிங் லெவன் அறிவிப்பு!

மேற்கிந்தியத் தீவுகளுக்கு எதிரான இரண்டாவது ஒருநாள் போட்டிக்கான பிளேயிங் லெவனை இங்கிலாந்து கிரிக்கெட் வாரியம் இன்று (மே 31) அறிவித்துள்ளது.

மேற்கிந்தியத் தீவுகள் அணி இங்கிலாந்தில் சுற்றுப்பயணம் மேற்கொண்டு ஒருநாள் மற்றும் டி20 தொடர்களில் விளையாடி வருகிறது. இரு அணிகளுக்கும் இடையிலான முதல் ஒருநாள் போட்டியில் இங்கிலாந்து அணி 238 ரன்கள் வித்தியாசத்தில் அபார வெற்றி பெற்றது.

இதையும் படிக்க: இளம் இந்திய அணி இங்கிலாந்தில் சாதிக்குமா? ஏபி டி வில்லியர்ஸ் கூறுவதென்ன?

இந்த நிலையில், மேற்கிந்தியத் தீவுகளுக்கு எதிரான இரண்டாவது ஒருநாள் போட்டிக்கான பிளேயிங் லெவனை இங்கிலாந்து கிரிக்கெட் வாரியம் இன்று (மே 31) அறிவித்துள்ளது.

காயம் காரணமாக ஆல்ரவுண்டர் ஜேமி ஓவர்டான் மீதமுள்ள ஒருநாள் போட்டிகளிலிருந்தும், டி20 தொடரிலிருந்தும் விலகியுள்ளார். அவருக்குப் பதிலாக இரண்டாவது ஒருநாள் போட்டிக்கான பிளேயிங் லெவனில் மேத்யூ பாட்ஸ் சேர்க்கப்பட்டுள்ளார்.

2-வது ஒருநாள் போட்டிக்கான இங்கிலாந்து அணியின் பிளேயிங் லெவன் விவரம்

பென் டக்கெட், ஜேமி ஸ்மித்,ஜோ ரூட், ஹாரி ப்ரூக் (கேப்டன்), ஜோஸ் பட்லர், ஜேக்கோப் பெத்தேல், வில் ஜாக்ஸ், பிரைடான் கார்ஸ், மேத்யூ பாட்ஸ், அடில் ரஷீத், சாக்யூப் மஹ்முத்

இங்கிலாந்து - மேற்கிந்தியத் தீவுகள் இடையேயான இரண்டாவது ஒருநாள் போட்டி நாளை (ஜூன் 1) கார்டிஃபில் நடைபெறவுள்ளது குறிப்பிடத்தக்கது.