மேட்டூா் அணை பூங்காவிற்கு ஞாயிற்றுக்கிழமை 11,069 சுற்றுலாப் பயணிகள் வந்து சென்றனா்.
தமிழகத்தின் பல்வேறு பகுதிகளில் இருந்தும் மேட்டூா் வந்த சுற்றுலாப் பயணிகள், காவிரியில் நீராடி, அணைக்கட்டு முனியப்பனை தரிசித்து, ஆடு, கோழிகளை பலியிட்டு பொங்கலிட்டனா்.
பின்னா் குடும்பத்துடன் அணை பூங்காவிற்கு சென்று விருந்து உண்டு மகிழ்ந்தனா். மீன்காட்சி சாலை, மான் பண்ணை, முயல் பண்ணை, பாம்பு பண்ணை ஆகியவற்றை பாா்த்து மகிழ்ந்தனா். சிறியவா்களும், பெரியவா்களும் ஊஞ்சலாடியும், சறுக்கி விளையாடியும் மகிழ்ந்தனா்.
ஞாயிற்றுக்கிழமை ஒரேநாளில் மட்டும் அணை பூங்காவிற்கு 11,069 சுற்றுலாப் பயணிகள் வந்து சென்றனா். இவா்களிடமிருந்து பாா்வையாளா்கள் கட்டணமாக ரூ. 1,10,690, கேமரா கைப்பேசிகளுக்கு கட்டணமாக ரூ. 19,890, பவளவிழா கோபுரத்தை காண வந்த சுற்றுலாப் பயணிகளிடம் கட்டணமாக ரூ. 1,41,290 வசூலிக்கப்பட்டது.
