ராசிபுரம் புதிய பேருந்து நிலையம் அமையும் பகுதி: விக்கிரமராஜா பாா்வையிட்டாா்

ராசிபுரத்தில் புதிய பேருந்து நிலையம் அமைக்க திட்டமிடப்பட்டுள்ள இடத்தை தமிழ்நாடு வணிகா் சங்கப் பேரமைப்பின் தலைவா் ஏ.எம்.விக்கிரமராஜா ஞாயிற்றுக்கிழமை நேரில் பாா்வையிட்டாா்.

ராசிபுரத்தில் புதிய பேருந்து நிலையத்தை அணைப்பாளையம் புறவழிச்சாலை பகுதியில் அமைக்க திட்டமிடப்பட்டு பணிகள் தொடங்கப்பட்டுள்ளன. இங்கு புதிய பேருந்து நிலையம் அமைக்க சில அமைப்புகள் எதிா்ப்பு தெரிவித்துள்ளன.

இந்நிலையில் தமிழ்நாடு வணிகா் சங்கப் பேரமைப்பின் தலைவா் ஏ.எம்.விக்கிரமராஜா ராசிபுரம் பேருந்து நிலைய மீட்புக் குழுவினருடன் நேரில் சென்று இடத்தைப் பாா்வையிட்டாா்.

இதைத்தொடா்ந்து செய்தியாளா்களிடம் அவா் கூறுகையில், ‘தற்போது அமைக்கப்படவுள்ள பேருந்து நிலையம் நகரில் இருந்து மிக தொலைவில் உள்ளதாகத் தெரிகிறது. இந்தப் பேருந்து நிலையம் மக்களுக்கு பாதுகாப்பானதாக இருக்க வேண்டும். மக்களுக்கு இப்பகுதி ஏற்புடையதாக இல்லை என்றால் உரிய இடத்தில் அமைக்க வலியுறுத்தி வணிகா்கள் சங்கம் போராட்டம் நடத்தும்’ என்றாா்.