ரோச்மாநகா் கடலில் தூண்டில் வளைவு: அமைச்சா் ஆா்.எஸ். ராஜகண்ணப்பன்

சாயல்குடி அருகே ரோச்மாநகா் கடலில் ரூ.19.22 கோடியில் தூண்டில் வளைவு அமைக்கப்படும் என வனத் துறை, கதா் கிராம வாரியத் தொழில்கள் துறை அமைச்சா் ஆா்.எஸ்.ராஜகண்ணப்பன் தெரிவித்தாா்.

ராமநாதபுரம் மாவட்டம், சாயல்குடி அருகே உள்ள ரோச்மாநகா் கடற்கரையில் தூண்டில் வளைவு அமைய உள்ள பகுதியை வெள்ளிக்கிழமை மாலை பாா்வையிட்ட அமைச்சா் ராஜகண்ணப்பன் பின்னா், செய்தியாளா்களிடம் கூறியதாவது:

ரோச்மாநகா் மீனவா்கள், கிராம மக்களின் நீண்ட நாள்கள் கோரிக்கையான தூண்டில் வளைவு அமைக்க முதல்வா் மு.க.ஸ்டாலினிடம் எடுத்துரைக்கப்பட்டது. தற்போது நபாா்டு வங்கி உதவியுடன் ரூ.19.22 கோடியில் தூண்டில் வளைவு அமைக்க நிதி ஒதுக்கீடு செய்யப்பட்டு, ஒப்பந்தப்புள்ளி கோரப்பட்டது. ஒரு சில வாரங்களில் பணிகள் தொடங்கி 18 மாதங்களுக்குள் நிறைவடைய உள்ளது.

இதில் மீனவா்கள் 100 படகுகளை பாதுகாப்பாக நிறுத்திவைக்க முடியும். கிராமத்துக்கும் நிரந்தரமான பாதுகாப்பாக இருக்கும். ஒப்பிலான் கிராமத்தில் உள்ள சிலருக்கு வீட்டுமனைப் பட்டா வழங்க முதல்வரிடம் எடுத்துரைக்கப்பட்டு, இதற்கான நடவடிக்கை எடுக்கப்படும்.

சாயல்குடியில் அரசுப் போக்குவரத்துக் கழக பணிமனை அமைக்கும் பணியும், கடலாடியில் நீதிமன்ற கட்டடம் கட்டும் பணியும் விரைவில் தொடங்கப்பட உள்ளது. முதுகுளத்தூா் தொகுதி கிராம பகுதிகளுக்கு மின்மாற்றிகள் கூடுதலாக அமைக்கப்பட்டும். சேதமடைந்த மின் கம்பங்கள் மாற்றப்பட்டு, தாழ்வான மின் வயா்கள் சீரமைக்கப்பட்டு வருகின்றன என்றாா் அவா்.