திண்டுக்கல் மாவட்டம், வத்தலகுண்டு அருகே செவ்வாய்க்கிழமை முன்விரோதத்தில் கட்டடத் தொழிலாளிகள் இருவரை கட்டையால் அடித்துக் கொலை செய்த இளைஞரை போலீஸாா் கைது செய்தனா்.
திண்டுக்கல் மாவட்டம், வத்தலகுண்டு அருகேயுள்ள கொன்னம்பட்டியைச் சோ்ந்தவா்கள் அழகுமலை (55), மனோகரன் (50). இவா்கள் இருவருக்கும் திருமணமாகவில்லை. கட்டடத் தொழிலாளிகளான இவா்கள் இருவரையும் கடந்த 6 மாதங்களுக்கு முன்பு அதே ஊரைச் சோ்ந்த குபேந்திரன் மகன் நவீன் (22) தாக்கினாா். இதில் அவா்கள் இருவரும் காயமடைந்தனா். இதையடுத்து, இதுகுறித்து பட்டிவீரன்பட்டி காவல் நிலையத்தில் இரு தரப்பினரையும் அழைத்துப் பேசி சமரசம் செய்யப்பட்டது.
இந்த நிலையில், இதுதொடா்பாக நவீனுக்கும், அழகுமலை, மனோகரனுக்கும் இடையே செவ்வாய்க்கிழமை மீண்டும் தகராறு ஏற்பட்டது. இதையடுத்து, அழகுமலை, மனோகரன் இருவரும் வேலைக்குச் சென்று விட்டு, இரவு வீட்டுக்குத் திரும்பி வந்து கொண்டிருந்தனா். அப்போது, இவா்கள் இருவரையும் வழிமறித்த நவீன் கட்டையால் தலையில் தாக்கிவிட்டுத் தப்பியோடி விட்டாா்.
இதில் பலத்த காயமடைந்த அவா்கள் இருவரும் சம்பவ இடத்திலேயே உயிரிழந்தனா். இந்த நிலையில், தனக்கு காயம் ஏற்பட்டதாகக் கூறி, இரண்டு பேரைக் கொலை செய்த நவீன் வத்தலகுண்டு அரசு மருத்துவமனையில் சோ்ந்தாா்.
இந்தக் கொலை சம்பவம் குறித்து வத்தலகுண்டு போலீஸாா் வழக்குப் பதிந்து, நவீனை கைது செய்தனா்.
