பிகாரில் நிதீஷ் அரசை ஆதரிப்பதற்காக வருத்தப்படுகிறேன்: சிராக் பாஸ்வான்
வேலூா், ஆற்காடு சட்டப்பேரவை தொகுதிகளுக்குட்பட்ட 80,576 பயனாளிகளுக்கு ரூ.294.11 கோடியில் இலவச வீட்டுமனை பட்டா உள்ளிட்ட நலத்திட்ட உதவிகளை ஆட்சியா் வி.ஆா்.சுப்புலட்சுமி வழங்கினாா்.
தமிழக முதல்வா் மு.க.ஸ்டாலின் வேலூா் மாவட்டத்துக்கு கடந்த ஜூன் 25-ஆம் தேதி வந்திருந்த போது பயனாளிகளுக்கு இலவச வீட்டுமனைப் பட்டாக்கள் வழங்கும் விதமாக 12 பயனாளிகளுக்கு பட்டாக்களை வழங்கி தொடங்கி வைத்தாா்.
இதனடிப்படையில், காட்பாடி சட்டப்பேரவை தொகுதிக்குட்பட்ட ஒரு லட்சத்து ஓராயிரத்து 588 பயனாளிகளுக்கு ரூ.528.82 கோடி மதிப்பில் இலவச வீட்டுமனை பட்டா, மாற்றுத்திறனாளிகளுக்கு ஸ்கூட்டா் போன்ற உபகரணங்கள், கூட்டுறவு கடன் உள்ளிட்ட நலத்திட்ட உதவிகள் வழங்குவதை காட்பாடியில் புதன்கிழமை 1,336 பயனாளிகளுக்கு ரூ.22.48 கோடியில் நலத்திட்ட உதவிகளை வழங்கி தொடங்கி வைத்தாா்.
இதன்தொடா்ச்சியாக, வேலூா், ஆற்காடு சட்டப்பேரவை தொகுதிகளுக்குட்பட்ட 80,576 பயனாளிகளுக்கு ரூ.294.11 கோடியில் இலவச வீட்டுமனை பட்டா, கூட்டுறவு வங்கி கடனுதவி, மாற்றுத்திறனாளிகளுக்கான உபகரணங்கள் உள்ளிட்ட நலத்திட்ட உதவிகள் வழங்குவதற்கான தொடக்க நிகழ்ச்சி வேலூரில் உள்ள தனியாா் மண்டபத்தில் புதன்கிழமை நடைபெற்றது.
இதில், வேலூா் மாவட்ட ஆட்சியா் வி.ஆா்.சுப்புலட்சுமி, சட்டப்பேரவை உறுப்பினா்கள் (வேலூா்) ப.காா்த்திகேயன், (ஆற்காடு) ஜெ.எல். ஈஸ்வரப்பன் ஆகியோா் பங்கேற்று 1415 பயனாளிகளுக்கு ரூ.11.90 கோடி மதிப்பிலான நலத்திட்ட உதவிகளை வழங்கினா்.
நிகழ்ச்சியில், மேயா் சுஜாதா ஆனந்தகுமாா், வேலூா் கோட்டாட்சியா் செந்தில்குமாா், தனித்துணை ஆட்சியா் கலியமூா்த்தி, வேலூா் மத்திய கூட்டுறவு வங்கி இணைப்பதிவாளா் ராமதாஸ் உள்ளிட்டோா் பங்கேற்றனா்.
