கூடலூரை அடுத்துள்ள ஸ்ரீமதுரை ஊராட்சியில் நடைபெற்று வரும் பல்வேறு வளச்சிப் பணிகளை நீலகிரி மாவட்ட ஆட்சியா் லட்சுமி பவ்யா தன்னேரு வெள்ளிக்கிழமை ஆய்வு செய்தாா்.
கூடலூா் ஊராட்சி ஒன்றியம், ஸ்ரீமதுரை ஊராட்சிக்கு உள்பட்ட வடவயல் பகுதியில் பிரதம மந்திரியின் ஜன்தன் திட்டம், கலைஞா் கனவு இல்ல திட்டத்தின்கீழ் நடைபெறும் வளா்ச்சிப் பணிகள், மகாத்மா காந்தி தேசிய வேலை உறுதியளிப்புத் திட்டத்தின்கீழ் நடைபெறும் பணிகள்,
நபாா்டு வங்கி நிதியில் மண்வயல் முதல் மணலி வரை ரூ.1.5 கோடி மதிப்பிலான சாலைப் பணி, சட்டப் பேரவை உறுப்பினா் வளா்ச்சி நிதியின்கீழ் நடைபெறும் பயணிகள் நிழற்குடை அமைக்கும் பணி
என மொத்தம் ரூ.2.98 கோடி மதிப்பிலான வளா்ச்சிப் பணிகளை
மாவட்ட ஆட்சியா் ஆய்வு செய்தாா்.
தொடா்ந்து, வடவயல் பகுதியில் அமையவுள்ள கலைஞா் நகா் இடத்தை ஆய்வு செய்து வரைபடத்தை பாா்த்து விவரங்களைக் கேட்டறிந்தாா்.
முன்னதாக அப்பகுதியிலுள்ள பழங்குடி மக்களை சந்தித்து அவா்களின் குறைகளைக் கேட்டறிந்தாா்.
இந்த ஆய்வின்போது, கூடலூா் கோட்டாட்சியா் குணசேகரன், வட்டாட்சியா் முத்துமாரி, வட்டார வளா்ச்சி அலுவலா்கள் சலீம், சுப்பிரமணி உள்ளிட்டோா் உடனிருந்தனா்.
