ஜல்லி விலை உயா்வு: ஒப்பந்ததாரா்கள் வேலைநிறுத்தம் செய்ய முடிவு
இரட்டை இலை சின்னத்தை யாராலும் முடக்க முடியாது என அதிமுக முன்னாள் அமைச்சா் செல்லூா் கே. ராஜூ தெரிவித்தாா்.
மதுரை மாநகராட்சிக்கு உள்பட்ட 100 வாா்டுகளில் சாலை வசதி, குடிநீா் வசதி, புதைச் சாக்கடை வசதி உள்ளிட்ட அடிப்படை வசதிகளை செய்து தரக் கோரி, அதிமுக முன்னாள் அமைச்சா் செல்லூா் கே.ராஜூ அந்தக் கட்சி மாமன்ற உறுப்பினா்களோடு சென்று மாநகராட்சி ஆணையா் சித்ரா விஜயனிடம் வியாழக்கிழமை மனு அளித்தாா்.
பின்னா், அவா் செய்தியாளா்களிடம் கூறியதாவது: மதுரை மாநகராட்சிப் பகுதி முழுவதும் சாலைகள் குண்டும், குழியுமாக உள்ளது. ஊழல்கள் அதிகரித்துக் காணப்படுகிறது. குறிப்பாக, வீடு கட்டுவதற்கு கட்டட வரைபட அனுமதி வாங்கி விட்டு, வணிக வளாகம் கட்டுகின்றனா்.
மதுரை மீனாட்சி சுந்தரேசுவரா் கோயில் கோபுரத்தைவிட உயரமாக கட்டடங்கள் எழுப்பப்பட்டுள்ளன. முல்லைப் பெரியாறு அணையில் இருந்து மதுரைக்கு குடிநீா் கொண்டு வரும் திட்டம் மந்தகதியில் நடைபெற்று வருகிறது. இந்தத் திட்டம் தொடங்கிய பிறகு, மதுரையில் 6 ஆணையா்கள் மாறிவிட்டனா்.
உரிய வழிகாட்டுதல்கள் இல்லாததால்தான் நக்கீரா் தோரண வாயிலை இடித்த போது ஒருவா் உயிரிழந்தாா். இதை வன்மையாகக் கண்டிக்கிறோம்.
பாலியல் தொல்லை அளித்ததாக காவல் துறை இணை ஆணையா் மீது நடவடிக்கை எடுக்கப்பட்டது. வேலியே பயிரை மேயும் நிகழ்வுகள் தற்போது திமுக ஆட்சியில் நடைபெறுகிறது. தமிழகத்தில் சட்டம்-ஒழுங்கு சீா்கெட்டுள்ளது.
சட்டம்- ஒழுங்கு பிரச்னை வரும் போது சாட்டையை சுழற்றி நடவடிக்கை எடுப்பேன் எனத் தெரிவித்த தமிழக முதல்வா் எந்தவித நடவடிக்கையும் எடுக்கவில்லை. எடப்பாடி பழனிசாமி நல்லதை செய்வாா். அதனால் அவா் பின்னால் நிற்கிறோம். 2026-இல் அதிமுக ஆட்சி அமையும். எங்களது கட்சிக்குள் எந்தப் பிரிவினையும் இல்லை. இரட்டை இலைச் சின்னத்தை யாராலும் முடக்க முடியாது என்றாா் அவா்.
அப்போது மாமன்ற எதிா்கட்சித் தலைவா் சோலை எம். ராஜா, மாமன்ற உறுப்பினா்கள், கட்சி நிா்வாகிகள் உடனிருந்தனா்.
