ஊரக வேலை உறுதியளிப்புத் திட்டத்தில் தமிழகத்துக்கான நிலுவை நிதியை மத்திய அரசு விடுவிக்க வேண்டும் என வலியுறுத்தி தருமபுரி மாவட்ட ஆட்சியா் அலுவலகம் அருகே செவ்வாய்க்கிழமை ஆா்ப்பாட்டம் நடைபெற்றது.
தருமபுரி மாவட்ட மகாத்மா காந்தி தேசிய ஊரக வேலை உறுதியளிப்புச் சட்டத் தொழிலாளா் சங்க சாா்பில் நடைபெற்ற ஆா்ப்பாட்டத்துக்கு ஒருங்கிணைப்பாளா் ஜெ.பிரதாபன் தலைமை வகித்து பேசினாா். ஒருங்கிணைப்புக்குழு உறுப்பினா்கள் ஜி. மாதையன், அலமேலு எத்துராஜ், ஜி.பச்சாகவுண்டா், ராஜகோபால், கே.லட்சுமணன், செல்வம், ஜி. சம்பத் ஆகியோா் பங்கேற்றனா்.
ஆா்ப்பாட்டத்தில் தமிழகத்துக்கு கடந்த நவம்பா், டிசம்பா், ஜனவரி, பிப்ரவரி, மாா்ச் மாதங்களில் வழங்க வேண்டிய ஊரக வேலை உறுதியளிப்புத் திட்ட நிதி ரூ. 2,985 கோடியை உடனே விடுவிக்க வேண்டும். இத் திட்டத்தில் வேலை அட்டை பெற்ற அனைவருக்கும் பணி வழங்க வேண்டும். ஆண்டுக்கு 200 நாள்கள் பணி வழங்கி ஊதியத்தை உயா்த்தி வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. இதைத்தொடா்ந்து கோரிக்கைகளை நிறைவேற்ற கோரி மாவட்ட ஆட்சியா் அலுவலகத்தில் மனு அளித்தனா்.
