கோவில்பட்டி, எட்டயபுரத்தில் மது விற்பனையில் ஈடுபட்ட 2 போ் கைது!
திருவண்ணாமலை மாவட்டம், செங்கத்தில் ஓய்வுபெற்ற அலுவலா்கள் சங்க செயற்குழுக் கூட்டம் ஞாயிற்றுக்கிழமை நடைபெற்றது.
தனியாா் மண்டபத்தில் நடைபெற்ற இந்தக் கூட்டத்துக்கு சங்கத்தின் செங்கம் கிளைத் தலைவா் காமத் தலைமை வகித்தாா்.
மாவட்ட துணைத் தலைவா் மாணிக்கம், ஓய்வுபெற்ற மாவட்ட வருவாய் அலுவலா் சண்முகம் ஆகியோா் முன்னிலை வகித்தனா். செங்கம் கிளை துணைத் தலைவா் சுப்பிரமணி வரவேற்றாா்.
ஓய்வுபெற்ற அரசுப் பள்ளி தலைமை ஆசிரியா் வெங்கடேசன் ஆண்டறிக்கை வாசித்தாா்.
தீா்மானங்கள்
சங்கத்துக்கு அதிகளவு உறுப்பினா்களைச் சோ்க்கவேண்டும், சங்க அலுவலகக் கட்டடம் கட்ட நிதி திரட்டவேண்டும், அதற்கான பணிகளை மேற்கொள்ள திருவண்ணாமலை எம்.பி., செங்கம் எம்எல்ஏ ஆகியோரை நேரில் சந்தித்து கோரிக்கை மனு அளிக்கவேண்டும், பழைய ஓய்வூதிய திட்டத்தை மீண்டும் செயல்படுத்த தமிழக அரசுக்கு கோரிக்கை விடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.
கூட்டத்தில் உறுப்பினா்கள் முனுசாமி, பத்மநாபமூா்த்தி, தமிழன்பன், கோபால், ரங்கநாதன், அறிவழகன், செளந்தரராஜன் உள்ளிட்ட பலா் கலந்துகொண்டனா்.
