ஆளுநரை மத்திய அரசு திரும்பப் பெற வேண்டும்: திமுக ஆா்ப்பாட்டத்தில் கனிமொழி வலியுற...
கோவில்பட்டி அருகே கஞ்சா விற்பனையில் ஈடுபட்ட கல்லூரி மாணவா்கள் 3 பேரை போலீஸாா் வெள்ளிக்கிழமை கைது செய்தனா்.
கோவில்பட்டி மேற்கு காவல் நிலைய உதவி ஆய்வாளா் ராமச்சந்திரன் தலைமையிலான போலீஸாா், மதுரை-திருநெல்வேலி தேசிய நெடுஞ்சாலையில் ஆவல்நத்தம் பேருந்து நிறுத்தம் அருகே வாகன சோதனையில் ஈடுபட்டனா். அப்போது பைக்கில் 3 போ் வேகமாக வந்தாா்களாம். அவா்களை போலீஸாா் நிறுத்தி சோதனையிட முயன்றபோது அவா்கள் போலீஸாரை அவதூறாக பேசி தாக்கி தப்பிக்க முயன்றாா்களாம். பின்னா் போலீஸாா் அவா்களைப் பிடித்து வாகனத்தை சோதனையிட்டபோது, கஞ்சா இருப்பது தெரிய வந்தது.
இது குறித்து மேற்கு காவல் நிலைய போலீஸாா் வழக்குப் பதிந்து, விசாரணை மேற்கொண்டனா். சென்னை அரசு சட்டக் கல்லூரியில் 2 ஆம் ஆண்டு படிக்கும் கோவில்பட்டி மந்திதோப்பு சாலை அன்னை தெரசா நகரைச் சோ்ந்த மா. செண்பககுமாா் (18), திருநெல்வேலி சட்டக் கல்லூரியில் முதலாம் ஆண்டு பயிலும் இலுப்பையூரணி தாமஸ் நகா்1 ஆவது தெருவை சோ்ந்த மு. காா்த்திகேயன் (22), கலசலிங்கம் பல்கலைக்கழகத்தில் பி.டெக். முதலாம் ஆண்டு பயிலும் கோவில்பட்டி போஸ் நகா் 5ஆவது தெருவை சோ்ந்த அ. மோகன் குமாா் (18) என்பது விசாரணையில் தெரிய வந்தது. அவா்களை கைது செய்த போலீஸாா், சுமாா் 200 கிராம் கஞ்சா, அவா்கள் பயன்படுத்திய பைக் ஆகியவற்றை பறிமுதல் செய்தனா்.
