குன்னூா் நகா்மன்ற திமுக கவுன்சிலா்களை கண்டித்து ஊழியா்கள் ஆா்ப்பாட்டம்

குன்னூா் நகா்மன்ற திமுக கவுன்சிலா்களை கண்டித்து நகராட்சி ஊழியா்கள் கருப்பு பேட்ஜ் அணிந்து வியாழக்கிழமை ஆா்ப்பாட்டத்தில் ஈடுப்பட்டனா்.

குன்னூா் நகா்மன்ற கூட்டம் அதன் தலைவா் சுசிலா தலைமையிலும், துணைத் தலைவா் வாசீம் ராஜா முன்னிலையிலும் கடந்த வாரம் நடைபெற்றது. இந்தக் கூட்டத்தில் துணைத் தலைவா் மற்றும் திமுக கவுன்சிலா்கள் பேசும்போது, நகராட்சி ஆணையா் பொறுப்பேற்ற நாள்முதல் மாா்க்கெட் கடைகளுக்கு ‘சீல்’ வைப்பது, விதிமீறிய கட்டடங்களுக்கு ‘சீல்’ வைப்பது என தொடா்ந்து தன்னிச்சையாக செயல்பட்டு வருகிறாா்.

நகராட்சித் தலைவா், துணைத் தலைவா், கவுன்சிலா்களை அழைத்துச் செல்லாமல் ஆய்வுப் பணிகளை மேற்கொண்டு வருவதாக குற்றஞ்சாட்டினா். மேலும், குன்னூா் நகராட்சி ஆணையா் இளம்பருதி மீது நடவடிக்கை எடுக்க சம்பந்தப்பட்ட அதிகாரிகளுக்கு புகாா் தெரிவிக்க வேண்டும் என்று துணைத் தலைவா் மற்றும் திமுக கவுன்சிலா்களால் கோரிக்கை முன்வைக்கப்பட்டது.

இதனைத் தொடா்ந்து கவுன்சிலா்களுக்கு எதிராகவும், ஆணையருக்கு ஆதரவாகவும் குன்னூா் நகராட்சி ஊழியா்கள் கருப்பு பேட்ஜ் அணிந்து நகராட்சி நுழைவாயிலில் வியாழக்கிழமை ஆா்ப்பாட்டத்தில் ஈடுபட்டனா்.