சாலாமேடு ரயில்வே கேட் பகுதியில் மேம்பாலம் அமைக்க தவாக கோரிக்கை

விழுப்புரம்: விழுப்புரம் நகராட்சி எல்லைக்குள்பட்ட சாலாமேடு ரயில்வே கேட் பகுதியில் மேம்பாலம் அமைக்க வலியுறுத்தி, தமிழக வாழ்வுரிமைக் கட்சி சாா்பில் மனு அளிக்கப்பட்டது.

விழுப்புரம் மாவட்ட ஆட்சியரகத்தில் திங்கள்கிழமை நடைபெற்ற குறைதீா் கூட்டத்தில் இக்கட்சியின் மாவட்டச் செயலா் குமரன் தலைமையிலான நிா்வாகிகள் அளித்த மனு:

விழுப்புரம் நகரத்திலுள்ள மருதூா் ஏரியை சுத்தம்செய்து ஆழப்படுத்த வேண்டும். மேலும் அதிலுள்ள குப்பைகளை அகற்றி, ஏரிக்கரையை உயா்த்தி பூங்கா மற்றும் நடைபாதையை பொதுமக்களின் பயன்பாட்டுக்கு ஏற்றவாறு அமைக்க வேண்டும்.

விழுப்புரம்-சென்னை தேசிய நெடுஞ்சாலையில் அமைக்கப்பட்டுள்ள முன்னாள் அமைச்சா் ஏ.கோவிந்தசாமி நினைவு அரங்கத்தை பொதுமக்கள் பயன்பாட்டுக்கும், விழா நடத்துவதற்கும் தகுந்த வாடகையை நிா்ணயம் செய்ய வேண்டும். விழுப்புரம் நகராட்சிக்குள்பட்ட சாலாமேடு ரயில்வே கேட் பகுதியில் பொதுமக்களின் நலனைக் கருத்தில் கொண்டு மேம்பாலம் அமைக்க வேண்டும் என்று மனுவில் தெரிவிக்கப்பட்டுள்ளது.

புதை சாக்கடையால் பாதிப்பு: விழுப்புரம் நகராட்சிக்குள்பட்ட 17-ஆவது வாா்டு தாமரைக்குளம் பகுதி பொதுமக்கள் அளித்த மனு:

விழுப்புரம் தாமரைக்குளம் பகுதியில் 200-க்கும் மேற்பட்ட குடும்பங்கள் வசிக்கின்றன. இந்த பகுதியில் புதை சாக்கடைக் குழாய் அமைக்கப்பட்டுள்ள நிலையில், அவ்வப்போது குழாயிலிருந்து வாயு பொங்கி வருகிறது. இதனால் இந்த பகுதியில் வசித்து வரும் பொதுமக்கள் பெரும் பாதிப்புக்குள்ளாகின்றனா்.

ஞாயிற்றுக்கிழமை இப்பகுதியைச் சோ்ந்த மா. தவமணி என்பவா் வாயு தாக்கியதால், மாவட்ட அரசு மருத்துவமனையில் அனுமதிக்கப்பட்டுள்ளாா். இதுகுறித்து பலமுறை புகாரளித்தும் எந்தவித நடவடிக்கையும் எடுக்கப்படவில்லை. எனவே விழுப்புரம் நகராட்சி நிா்வாகமும், புதை சாக்கடைத் திட்டப் பணிகளை மேற்கொள்ளும் நிறுவனமும் இந்த பிரச்னைக்கு உரிய தீா்வைக் காண வேண்டும். மேலும் தாமரைக்குளம் பகுதிக்கு குடிநீா் வசதியையும் ஏற்படுத்தித் தர வேண்டும் என்று மனுவில் தெரிவித்துள்ளனா்.

ௌ

ஜாதிச் சான்றிதழ் வழங்கக் கோரிக்கை: விழுப்புரம் மாவட்டம், மேல்மலையனூா் வட்டம், ஆலம்புரவடை கிராமத்தைச் சோ்ந்த காட்டு நாயக்கன் சமூகத்தின் அளித்த மனு:

நாங்கள் வேட்டைக்காரன்பட்டி, வளத்தி கிராமங்களிலும், தொடா்ந்து ஆலம்புரவடை கிராமத்திலும் தங்கி வசித்து வருகிறோம். எங்கள் பிள்ளைகளின் கல்வி, வேலைவாய்ப்புக்காக இந்து காட்டு நாயக்கன் பழங்குடியினா் என ஜாதி சான்றிதழ் வழங்குமாறு திண்டிவனம் சாா் ஆட்சியரகத்தில் மனு அளித்தோம். கடந்த 3 ஆண்டுகளாக சான்றிதழ் வழங்கப்படவில்லை.

தொடா்ந்து வலியுறுத்தியன் பேரில் கள விசாரணை மேற்கொள்ளப்பட்டு, 31 பேருக்கு ஜாதி சான்றிதழ் வழங்க உரிய பரிந்துரைகள் வழங்கப்பட்டும், இதுவரை சான்றிதழ் வழங்கப்படாமல் உள்ளது. எனவே மாவட்ட நிா்வாகம் உரிய நடவடிக்கை மேற்கொள்ள வேண்டும் என மனுவில் தெரிவித்துள்ளனா்.