சுதந்திர நாள்: நாட்டு மக்களுக்கு முதல்வர் ஸ்டாலின் வாழ்த்து!
குளச்சல் அரசு பயணியா் விடுதி அருகே உள்ள டாஸ்மாக் கடையை அகற்றக் கோரி, புதன்கிழமை முதல் உண்ணாவிரத போராட்டத்தில் ஈடுபட்ட காங்கிரஸ் கட்சியைச் சோ்ந்த 8 பேரை போலீஸாா் வியாழக்கிழமை கைது செய்தனா்.
பயணியா் விடுதி அருகே பொதுமக்களுக்கு இடையூறாக இருக்கும் அரசு மதுக்கடையை அகற்றக் கோரி காங்கிரஸ் மாநில பொதுக் குழு உறுப்பினா் லாரன்ஸ் தலைமையில் இளைஞா் காங்கிரஸாா் குளச்சல், காமராஜ் பேருந்து நிலையம் முன் புதன்கிழமை உண்ணாவிரத போராட்டத்தில் ஈடுபட்டனா். இதில் நாகா்கோவில் மாநகர இளைஞா் காங்கிரஸ் தலைவா் டைசன், திங்கள் நகா் பேரூராட்சி தலைவா் சுமன், ரீத்தாபுரம் துணைத் தலைவா் விஜி மோன் உள்ளிட்டோா் கலந்துகொண்டனா். காங்கிரஸாா் போராட்டத்தை இரவிலும் தொடா்ந்தனா். இதையடுத்து வியாழக்கிழமை காலை போலீஸாா் அங்கு சென்று போராட்டத்தை கைவிட்டு கலைந்து செல்லுமாறு கூறினாா். இதற்கு காங்கிரஸாா் மறுப்பு தெரிவித்ததால் போராட்டத்தில் ஈடுபட்ட லாரன்ஸ் உள்பட 8 பேரை போலீஸாா் கைதுசெய்து அருகில் உள்ள மண்டபத்துக்கு அழைத்துச் சென்றனா்.
