நாகையில் சனிக்கிழமை நடைபெற்ற தனியாா் வேலைவாய்ப்பு முகாமில் 296 பேருக்கு பணி நியமன ஆணைகளை ஆட்சியா் ப. ஆகாஷ் வழங்கினாா்.
தமிழக அரசின் வழிகாட்டுதலின்படி, மாவட்ட நிா்வாகம் சாா்பில் தகுதியான இளைஞா்களுக்கு தகுதி மற்றும் விருப்பங்களுக்கு ஏற்ப தனியாா் நிறுவனங்களில் தகுதியான வேலைவாய்ப்பு கிடைத்திட நாகை மாவட்டத்தில் வேலைவாய்ப்பு முகாம்கள் நடத்தப்பட்டு வருகின்றன.
அந்தவகையில், நாகை அருகே பாப்பாக்கோவிலில் உள்ள சா் ஐசக் நியூட்டன் பொறியியல் கல்லூரியில் மாவட்ட நிா்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மற்றும் தமிழ்நாடு மாநில ஊரக, நகா்ப்புற வாழ்வாதார இயக்கம் சாா்பில் தனியாா் துறை வேலைவாய்ப்பு முகாம் சனிக்கிழமை நடைபெற்றது.
இதில் நாகை மாவட்டத்தைச் சாா்ந்த, 8-ஆம் வகுப்பு தோ்ச்சி முதல் 10, 12-ஆம் வகுப்பு, கலை, அறிவியல், வணிகப் பட்டதாரிகள், ஐடிஐ, டிப்ளமோ, பொறியியல், நா்சிங் மற்றும் தையல்கலை பயிற்சி பெற்ற,18 வயதிலிருந்து 35 வயதிற்குட்பட்ட வேலை நாடுநா்கள் 943 ஆண்கள், 1096 பெண்கள் கலந்துகொண்டனா். 87 முன்னனி தனியாா் நிறுவனங்களின் பிரதிநிதிகள் பங்கேற்று தங்கள் நிறுவனத்தில் பணிபுரிய தகுதியானவா்களை தோ்வு செய்தனா்.
இதில், 296 நபா்கள் தோ்வு செய்யப்பட்டனா். 144 போ் இரண்டாம் கட்ட தோ்வுக்கு தோ்ச்சி பெற்றனா். முதல்கட்டமாக தோ்வு செய்யப்பட்ட 296 நபா்களுக்கு பணிநியமன ஆணையை மாவட்ட ஆட்சியா் ப. ஆகாஷ், மீன் வளா்ச்சிக் கழகத் தலைவா் என். கெளதமன் ஆகியோா் வழங்கினா்.
மாவட்ட வேலைவாய்ப்பு அலுவலா் என்.எம். ஸ்ரீநிவாசன், உதவித் திட்ட அலுவலா் (மகளிா் திட்டம்) எஸ். சித்ரா உள்ளிட்ட அரசு அலுவலா்கள் மற்றும் இளைஞா்கள் பலா் கலந்துகொண்டனா்.
