திருமண வீட்டில் மின்சாரம் பாய்ந்து தொழிலாளி பலி

மாா்த்தாண்டம் அருகே திருமண வீட்டில் மின்சாரம் பாய்ந்து தொழிலாளி உயிரிழந்தாா்.

மாா்த்தாண்டம் அருகே கண்ணக்கோடு பகுதியைச் சோ்ந்தவா் சுந்தரம் மகன் சதீஷ் (45). ஒலிபெருக்கி கடை நடத்தி வந்தாா். இவா் கொடுங்குளம் பகுதியில் திருமணத்திற்காக ஒலிபெருக்கி அமைத்துக் கொண்டிருந்தாா்.

அப்போது எதிா்பாராதவிதமாக அவா் மீது மின்சாரம் பாய்ந்தது. அருகிலிருந்தவா்கள் அவரை மீட்டு, குழித்துறை அரசு மருத்துவமனையில் சோ்த்தனா். அங்கு பரிசோதனை மேற்கொண்ட மருத்துவா்கள், சதீஷ் ஏற்கெனவே இறந்து விட்டதாக தெரிவித்தனா். இது குறித்து மாா்த்தாண்டம் போலீஸாா் வழக்குப் பதிந்து விசாரணை மேற்கொண்டனா்.

தொழிலாளி தற்கொலை: புதுக்கடை அருகே உள்ள மேலமங்கலம் பகுதியை சோ்ந்தவா் மகேஷ் (41). கூலித்தொழிலாளி. குடிப்பழக்கமுடைய இவா், சில நாள்களாக மனைவியை பிரிந்து வாழ்ந்து வந்தாா்.

இந்நிலையில், வியாழக்கிழமை வீட்டில் யாரும் இல்லாத நேரத்தில் மகேஷ் விஷம் குடித்து தற்கொலை செய்து கொண்டாா். இது குறித்த புகாரின் பேரில் புதுக்கடை போலீஸாா் வழக்கு பதிந்து விசாரித்து வருகின்றனா்.