செய்திகள் :

தூத்துக்குடி அனல் மின் நிலைய 3ஆவது அலகில் உற்பத்தி தொடக்கம்

post image

தூத்துக்குடி அனல் மின் நிலைய 3ஆவது அலகு சீரமைக்கப்பட்டு, வியாழக்கிழமைமுதல் மின் உற்பத்தி தொடங்கியுள்ளதாக அனல் மின் நிலையம் தரப்பில் தெரிவிக்கப்பட்டுள்ளது.

தமிழக அரசுக்கு சொந்தமான தூத்துக்குடி அனல் மின் நிலையத்தில் 5 அலகுகள் மூலம் தினமும் 1,050 மெகா வாட் மின்சாரம் உற்பத்தி செய்யப்பட்டு வந்தது. இந்நிலையில் கடந்த மாா்ச் 15 ஆம் தேதி நள்ளிரவு அனல் மின் நிலையத்தில் ஏற்பட்ட திடீா் தீ விபத்தின் காரணமாக 1, 2 அலகுகள் முற்றிலும் சேதமாகின. 3ஆவது அலகிலும் சிறிய அளவிலான பாதிப்பு ஏற்பட்டது. இதனால் முதல் மூன்று அலகுகளிலும் மின் உற்பத்தி முற்றிலும் நிறுத்தப்பட்டது.

இந்நிலையில், கோடையில் மின் நுகா்வு அதிகமாக இருக்கும் என்பதால், மின் வாரிய அதிகாரிகள் ஆய்வு மேற்கொண்டு சீரமைப்புப் பணிகளை துரிதப்படுத்தினா். இதைத் தொடா்ந்து குறைவான சேதமடைந்த 3ஆவது அலகு தற்போது சரிசெய்யப்பட்டு, சுமாா் 17 நாள்களுக்குப் பின்னா் வியாழக்கிழமை காலைமுதல் மின் உற்பத்தி தொடங்கப்பட்டுள்ளது. இதையடுத்து அனல் மின் நிலையத்தில் 3, 4, 5 ஆகிய 3 அலகுகள் மூலம் தினமும் 630 மெகாவாட் மின்சாரம் உற்பத்தி செய்யப்படுகிறது என தெரிவிக்கப்பட்டுள்ளது.

மேலும், 1, 2 ஆகிய அலகுகள் சீரமைக்கும் பணி நடைபெற்று வருகிறது. இதனை போா்க்கால அடிப்படையில் விரைந்து சரிசெய்து மின் உற்பத்தியை தொடங்க வேண்டும் என மின்வாரிய தொழிற்சங்கத்தினா் கோரிக்கை விடுத்துள்ளனா்.

ஆத்தூரில் 2 புதிய பேருந்து சேவைகள் தொடக்கம்

ஆத்தூரிலிருந்து 2 புதிய பேருந்து சேவைகளை அமைச்சா் அனிதா ஆா். ராதாகிருஷ்ணன் ஞாயிற்றுக்கிழமை கொடியசைத்து தொடக்கிவைத்தாா். ஆத்தூரி­லிருந்து வெள்ளக்கோவில் வரை, வரண்டியவேல் வழியே குரும்பூா் வரை ஆகிய 2 புத... மேலும் பார்க்க

தமிழ்ப் புத்தாண்டு: திருச்செந்தூா் கோயிலில் அதிகாலை 4 மணிக்கு நடைதிறப்பு

திருச்செந்தூா் அருள்மிகு சுப்பிரமணிய சுவாமி திருக்கோயிலில் தமிழ்ப் புத்தாண்டையொட்டி (சித்திரை 1) ஏப். 4ஆம் தேதி அதிகாலை 4 மணிக்கு நடைதிறக்கப்படும் என அறிவிக்கப்பட்டுள்ளது. இதுகுறித்து திருக்கோயில் இணை... மேலும் பார்க்க

கோவில்பட்டி கல்லூரியில் பெற்றோா்-ஆசிரியா் கழகக் கூட்டம்

கோவில்பட்டி நேஷனல் பொறியியல் கல்லூரியில் 2024-25ஆம் கல்வியாண்டுக்கான பெற்றோா்-ஆசிரியா் கழகப் பொதுக் குழுக் கூட்டம் ஞாயிற்றுக்கிழமை நடைபெற்றது. கல்லூரி முதல்வா் காளிதாசமுருகவேல் தலைமை வகித்து பேசியது:... மேலும் பார்க்க

பொருளாதார வளா்ச்சியில் தமிழகம் புதிய உச்சம்! -அமைச்சா் தங்கம் தென்னரசு

பொருளாதார வளா்ச்சியில் தமிழகம் புதிய உச்சத்தை எட்டியுள்ளதாக நிதி காலநிலை மாற்றம் மற்றும் சுற்றுச்சூழல் துறை அமைச்சா் தங்கம் தென்னரசு தெரிவித்தாா். தூத்துக்குடியில் சனிக்கிழமை நடைபெற்ற ஸ்டாா்ட் அப் திட... மேலும் பார்க்க

சாத்தான்குளம் அருகே சிறுவனைத் தாக்கி பைக் சேதம்: காா் ஓட்டுநா் கைது

சாத்தான்குளம் அருகே சிறுவனைத் தாக்கி பைக்கை சேதப்படுத்தியதாக காா் ஓட்டுநரை போலீஸாா் கைது செய்தனா். சாத்தான்குளம் அருகே பண்டாரபுரம் அம்மன் கோயில் தெருவைச் சோ்ந்த மு. ஜெயக்குமாா் (42) என்பவரது மகன் லி... மேலும் பார்க்க

ஆலந்தலை அற்புத கெபி திருத்தலத்தில் தவக்கால சிலுவைப் பாதை வழிபாடு!

திருச்செந்தூா் அருகே ஆலந்தலை இயேசுவின் திருஇருதய அற்புத கெபி திருத்தலத்தில் தவக்கால 4ஆவது வார சிலுவைப் பாதை வழிபாடு வெள்ளிக்கிழமை நடைபெற்றது. இதில், 14 ஸ்தலங்களில் இயேசுவின் திருப்பாடுகளை நினைவுகூரும... மேலும் பார்க்க