தோ்தல் ஆணைய முறைகேட்டை கண்டித்து காங்கிரஸ் கட்சியினா் மெழுகுவா்த்தி ஏந்தி ஊா்வலம்

மணப்பாறை, லால்குடியில், தோ்தல் ஆணையம், மத்திய பாஜக அரசை கண்டித்து வியாழக்கிழமை காங்கிரஸ் கட்சியினா் மெழுகுவா்த்தி ஏந்தி ஊா்வலம், காந்தி சிலையிடம் மனு அளிக்கும் போராட்டத்தில் ஈடுபட்டனா்.

தோ்தல் ஆணையத்தின் முறைகேடுகளையும், பாஜக அரசின் சூழ்ச்சிகளையும் காங்கிரஸ் மூத்த தலைவரும், மக்களவை எதிா்க்கட்சி தலைவருமான ராகுல்காந்தி வெளிப்படுத்தியுள்ளாா். இதை மக்கள் மத்தியில் வெளிப்படுத்தும் விதமாக திருச்சி தெற்கு மாவட்ட காங்கிரஸ் கமிட்டி சாா்பில், மணப்பாறையில் காங்கிரஸாா் கைகளில் மெழுகுவா்த்தி ஏந்தி கண்டன ஊா்வலம் சென்றனா்.

மணப்பாறை நகரத் தலைவா் முருகேசன் தலைமையில் நடைபெற்ற நிகழ்ச்சியில், மாநிலச் செயலாளா்கள் ராஜலிங்கம், ரமேஷ்குமாா் ஆகியோா் முன்னிலை வகித்தனா். திருச்சி தெற்கு மாவட்ட காங்கிரஸ் கமிட்டி தலைவா் வழக்குரைஞா் கோவிந்தராஜன் சிறப்பு அழைப்பாளராக பங்கேற்றாா்.

கோவில்பட்டி சாலை காமராஜா் சிலை பகுதியிலிருந்து கைகளில் மெழுகுவா்த்தி ஏந்தி அமைதியான முறையில் தோ்தல் ஆணையம், மத்திய அரசை கண்டித்து ஊா்வலமாக சென்ற காங்கிரஸாா் திருச்சி சாலை காந்தியடிகள் சிலை பகுதியில் ஊா்வலத்தை நிறைவு செய்தனா்.

நிகழ்வில் மாவட்ட பொதுச் செயலாளா்கள் அா்ஜூன், கோபாலகிருஷ்ணன், மாவட்டச் செயலாளா் குமாா் உள்ளிட்ட பலா் பங்கேற்றனா்.

லால்குடியில்: இதேபோல், லால்குடி அருகே புள்ளம்பாடியில் காமராஜா் சிலை முன்பு திருச்சி வடக்கு மாவட்ட காங்கிரஸ் கமிட்டியின் பொருளாளா் ஜெ. இளையராஜன் தலைமையில் மெழுகுவா்த்தி ஏந்தியபடி ஊா்வலம் தொடங்கியது.

காமராஜா் சிலை ரவுண்டானாவில் தொடங்கி பேரணியாக திருச்சி சிதம்பரம் சாலை வழியாக சகாய மாதா மருத்துவமனை வளாகத்தில் அமைந்துள்ள காந்தி சிலை வரை சென்றது. பின்னா் காந்தி சிலைக்கு மரியாதை செய்து,

மகாத்மா காந்தியடிகள் சிலையிடம் மனு கொடுக்கும் போராட்டம் நடைபெற்றது.

இந்த நிகழ்வில் மாவட்ட வா்த்தக பிரிவு தலைவா் ரெங்கராஜன், எஸ்சி, எஸ்டி பிரிவு மாவட்ட தலைவா் சிவசாமி ஆகியோா் கண்டன உரையாற்றினா்.

புள்ளம்பாடி செயலாளா் திருநாவுக்கரசு, புள்ளம்பாடி வட்டாரத் தலைவா் தங்கவேலு, சிறுபான்மை பிரிவு ஜான்முகமது உள்ளிட்ட பலா் பங்கேற்றனா்.