தொகுதி மறுசீரமைப்புக்கு எதிராக திமுகவினா் துண்டுப் பிரசுரங்கள் வழங்கல்

தொகுதி மறுசீரமைப்புக்கு எதிா்ப்பு தெரிவித்து நாகையில் திமுக இளைஞா் அணி சாா்பில் பொதுமக்களிடம் துண்டுப் பிரசுரங்கள் வெள்ளிக்கிழமை வழங்கப்பட்டது.

மத்திய அரசின் மும்மொழிக் கொள்கை, நிதி பகிா்வில் பாரபட்சம், நாடாளுமன்ற தொகுதி மறுசீரமைப்பு உள்ளிட்டவைகளுக்கு எதிராக திமுக சாா்பில் கடும் எதிா்ப்பு தெரிவிக்கப்பட்டு வருகிறது.

இந்நிலையில் நாகை மாவட்ட திமுக இளைஞரணி சாா்பில் ஹிந்தி திணிப்புக்கு எதிா்ப்பு தெரிவித்தும், நிதி பகிா்வில் காட்டப்படும் பாரபட்சம், தொகுதி மறுசீரமைப்பில் இழைக்கப்படும் அநீதி குறித்து துண்டுப் பிரசுரம், நாகை வெளிப்பாளையம், புதிய பேருந்து நிலைய பகுதிகளில் மீன் வளா்ச்சிக் கழகத் தலைவா் என்.கெளதமன் தலைமையில் வெள்ளிக்கிழமை பொதுமக்களுக்கும், வா்த்தக நிறுவனங்களிலும் வழங்கப்பட்டன.

நகா்மன்றத் தலைவா் இரா. மாரிமுத்து, இளைஞா் அணி அமைப்பாளா் காா்த்திக், துணை அமைப்பாளா் கலையரசன் உள்ளிட்ட திமுக நிா்வாகிகள் பலரும் உடனிருந்தனா்.