நம்பா் பிளேட் இல்லாமல் இயக்கிய 60 இருசக்கர வாகனங்கள் பறிமுதல்

வேலூரில் போக்குவரத்து போலீஸாா் நடத்திய சோதனையில் நம்பா் பிளேட் இல்லாமல் இயக்கப்பட்ட சுமாா் 60 இருசக்கர வாகனங்கள் பறிமுதல் செய்யப்பட்டு, அவற்றின் உரிமையாளா்களுக்கு தலா ரூ. 500 அபராதம் விதிக்கப்பட்டது.

வேலூரில் இருசக்கர வாகனங்கள் திருட்டு போகும் சம்பவங்கள் தொடா்ந்து நடைபெற்று வருகிறது. இந்த நிலையில், போக்குவரத்து போலீஸாா் செவ்வாய்க்கிழமை காலை முதல் அனைத்து சாலை சந்திப்புகளிலும் நின்று உரிய ஆவணங்கள் இல்லாதது, ஓட்டுநா் உரிமம் இல்லாமல் இயக்குவது, வாகனங்களில் நம்பா் பிளேட் இல்லாமல் இருப்பது, நம்பா் பிளேட் இருந்தும் எண்கள் இல்லாமல் இருப்பது போன்ற என பல்வேறு வகைகளில் விதிமுறை மீறி இயக்கப்பட்ட இருசக்கர வாகனங்களை கண்காணித்தனா்.

காலை 8 மணி முதல் 11 மணி வரை வேலூா் மக்கான் சிக்னல், நேஷனல் சா்க்கிள், தேவஸ்தான தகவல் மைய சிக்னல் என பல்வேறு இடங்களில் நடைபெற்ற இந்த கண்காணிப்புப் பணியில் நம்பா் பிளேட் இல்லாமல் இயக்கப்பட்ட சுமாா் 60 இருசக்கர வாகனங்கள் கைப்பற்றப்பட்டு, காவல் நிலையத்துக்கு எடுத்துச் செல்லப்பட்டன. மேலும், அந்த வாகனங்களுக்கு தலா ரூ. 500 அபராதம் விதிக்கப்பட்டதுடன், முறையாக நம்பா் பிளேட் தயாா் செய்து கொண்டு வந்து காண்பித்த பிறகே வாகனங்கள் விடுவிக்கப்படும் என்றும் போக்குவரத்து போலீஸாா் தெரிவித்துள்ளனா்.

இது தொடா்பாக போக்குவரத்து போலீஸாா் மேலும் கூறியது:

வேலூா் மாவட்டக் காவல் கண்காணி ப்பாளா் மயில்வாகனன் உத்தரவின்பேரில், வேலூரில் இருசக்கர வாகன தணிக்கை மேற்கொள்ளப் பட்டது. இதில், நம்பா் பிளேட் இல்லாமல் இயக்கப்பட்ட 60 இருசக்கர வாகனங்கள் கைப்பற்றப்பட்டு அபராதம் விதிக்கப்பட்டன. இந்த தணிக்கை தொடா்ந்து மேற்கொள்ளப்படும். அப்போது, விதிமுறைகளை மீறி இயக்கப்படும் வாகனங்கள் பறிமுதல் செய்யப்பட்டு கடும் நடவடிக்கை எடுக்கப்படும் என்றனா்.