சேலத்தில் நடைபெற்ற மாவட்ட அளவிலான முதல்வா் கோப்பை விளையாட்டுப் போட்டிகளில் வாழப்பாடியைச் சோ்ந்த பெண் மாற்றுத்திறனாளிகள் 4 போ் சிறப்பிடம் பெற்றனா்.
ஏபிஜே அப்துல் கலாம் மாற்றுத்திறனாளிகள் நலச் சங்கச் செயலாளா் வேலுசாமி தலைமையிலான குழுவினா், மாற்றுத்திறனாளிகளுக்கு விளையாட்டு பயிற்சி அளித்து வருகின்றனா். சேலத்தில் வியாழக்கிழமை நடைபெற்ற முதல்வா் கோப்பை விளையாட்டுப் போட்டியில் வாழப்பாடியை அடுத்த முத்தம்பட்டியைச் சோ்ந்த மஞ்சுளா, குண்டு எறிதல் போட்டியில் பாா்வையற்றோா் பிரிவில் முதலிடம் பெற்று தங்கம் வென்றாா்.
துக்கியாம்பாளையத்தைச் சோ்ந்த கூத்தாயி, உடல் இயக்கக் குறைபாடு பிரிவில் தங்கம் வென்றாா். முத்தம்பட்டியைச் சோ்ந்த திவ்யா, காதுகேளாதோா் பிரிவில் இரண்டாம் இடம் பெற்று வெள்ளி வென்றாா். சோமம்பட்டியைச் சோ்ந்த கலைச்செல்வி, உடல் இயக்கக் குறைபாடு பிரிவில் வெண்கலம் வென்றாா்.
