புதுநகா் ஊராட்சி அரசுப் பள்ளிக்கு சுற்றுச்சுவா் கட்டித் தர கோரிக்கை

கந்தா்வகோட்டை ஊராட்சி ஒன்றியம், புதுநகா் ஊராட்சியில் உள்ள அரசு உயா்நிலைப்பள்ளியின் சுற்றுச்சுவரை புதிதாக கட்டித் தர வேண்டும் என சமூக ஆா்வலா்கள் கோரிக்கை விடுக்கின்றனா்.

புதுநகா் அரசு உயா்நிலைப் பள்ளியில் ஆறாம் வகுப்பு முதல் பத்தாம் வகுப்பு வரை மாணவ, மாணவிகள் பயின்று வருகிறாா்கள். கடந்த கஜா புயலின்போது புதுநகா் அரசு உயா்நிலைப் பள்ளியின் சுற்றுச்சுவா் சேதமடைந்தது. இதுகுறித்து பள்ளித் தலைமை ஆசிரியா் சம்பந்தப்பட்ட துறைக்கு தெரிவித்துள்ளாா். ஆனால், இதுவரையில் பள்ளியின் சுற்றுச்சுவா் சீரமைக்கப்படவில்லை. இதனால் பள்ளி வேலைநேரத்தில் கால்நடைகள் பள்ளி வளாகத்தில் நுழைவதும், இரவுநேரங்களில் சமூக விரோத செயல்கள் நடைபெறுவதாகவும் சமூக ஆா்வலா்கள் புகாா் தெரிவிக்கின்றனா். எனவே இப்பள்ளியின் சுற்றுச்சுவரை புதிதாக கட்டித்தர வேண்டுமென சமூக ஆா்வலா்கள் பள்ளிக் கல்வித் துறைக்கு கோரிக்கை வைக்கின்றனா்.