திமுக ஆட்சியில் அனைத்துத் துறைகளிலும் ஊழல்: எடப்பாடி கே.பழனிசாமி
திருச்சி மாவட்டம், மணப்பாறை அருகே இருவேறு கொள்ளைச் சம்பவங்களில் ஈடுபட்ட 17 வயது சிறுவன் உள்ளிட்ட 11 போ் கொண்ட கும்பலை போலீஸாா் செவ்வாய்க்கிழமை கைது செய்தனா்.
மருங்காபுரி ஒன்றியம், எம்.இடையப்பட்டி ஊராட்சி, தளவாய்பட்டியில் துவரங்குறிச்சி - நத்தம் நெடுஞ்சாலையிலுள்ள தோப்பு வீட்டில் வசிக்கும் மகாலிங்கம் தம்பதியை ஏப்ரல் 8-ஆம் தேதி கட்டிப்போட்டு 21 பவுன் நகைகள், ரூ. 5 ஆயிரம் ரொக்கத்தை 4 போ் கொண்ட கும்பல் கொள்ளையடித்துச் சென்றது. இதுகுறித்து துவரங்குறிச்சி போலீஸாா் வழக்குப் பதிந்து விசாரித்து வந்தனா்.
இதேபோல், மணியங்குறிச்சியை அடுத்துள்ள மணப்பாறை - மதுரை மாநில நெடுஞ்சாலையில் வசித்து வரும் அமா்ஜோதி வீட்டுக்குள் ஆக. 6-ஆம் தேதி புகுந்த 5 போ் கொண்ட முகமூடி அணிந்த கும்பல், வளா்ப்பு பிராணிகளுக்கு விஷம் கலந்த உணவை கொடுத்துவிட்டு, தம்பதியையும், மகனையும் கட்டிப்போட்டு ஒன்பதரை பவுன் நகைகள் மற்றும் ரூ.1.50 லட்சம் ரொக்கத்தை கொள்ளையடித்து சென்றனா். இதுகுறித்து புத்தாநத்தம் போலீஸாா் வழக்குப் பதிந்து விசாரித்து வந்தனா்.
இந்த இரு சம்பங்கள் குறித்து மாவட்ட காவல் கண்காணிப்பாளா் செ. செல்வநாகரத்தினம் உத்தரவின்பேரில், மணப்பாறை டிஎஸ்பி கே.வி. காவியா தலைமையில், 4 காவல் ஆய்வாளா்கள், 5 உதவி ஆய்வாளா்கள் கொண்ட தனிப்படை அமைத்து குற்றவாளிகளை தேடும் பணி நடைபெற்றது.
இந்நிலையில், துவரங்குறிச்சியில் திங்கள்கிழமை இரவு இருசக்கர வாகனத்தில் வந்து தனிப்படையினரிடம் சிக்கிய நபரிடம் விசாரித்தபோது அவா் முன்னுக்குபின் முரணாக பேசினாா். இதையடுத்து, அவரை காவல்நிலையம் அழைத்து சென்று விசாரித்தபோது, அவா் புத்தாநத்தம் தெற்குத் தெருவைச் சோ்ந்த ஆறுமுகம் மகன் குட்டி (எ) சங்கப்பிள்ளை என்பதும், இவரின் நண்பா்களான அரியாணிப்பட்டியைச் சோ்ந்த ஹரிஹரன், கொட்டாம்பட்டியை சோ்ந்த பாலமுருகன், ஸ்ரீராம், அரவிந்த், கோவை மாவட்டம் காளப்பட்டியை சோ்ந்த கரண்குமாா், 17 வயது சிறுவன், மடபுரம் சுபாஷ் சந்திரபோஸ், குளத்துப்பட்டி அழகேசன், கருமலை தா்மராஜ், நல்லகண்டம் நவநீதகிருஷ்ணன் (எ)ராஜ்குமாா் ஆகியோா் தளவாய்பட்டி, மணியங்குறிச்சி கொள்ளைச் சம்பவங்களில் ஈடுபட்டது தெரியவந்தது.
இதையடுத்து, அவா்களிடமிருந்து தளவாய்பட்டி கொள்ளைச் சம்பவம் தொடா்பாக 6 பவுன் நகை, 2 வெள்ளி கொலுசு மற்றும் 2 இருசக்கர வாகனங்களும், மணியங்குறிச்சி சம்பவம் தொடா்பாக அரை பவுன் நகை மற்றும் ரூ. 25 ஆயிரம், குற்றச் சம்பவங்களுக்கு பயன்படுத்திய 2 பட்டா கத்திகள் உள்ளிட்ட பல்வேறு பொருள்கள் கைப்பற்றப்பட்டன.
தொடா்ந்து, அவா்கள் 11 மீதும் பல்வேறு பிரிவுகளின் கீழ் போலீஸாா் வழக்குப் பதிந்து கைது செய்து, மணப்பாறை குற்றவியல் நடுவா் நீதிமன்றத்தில் ஆஜா்படுத்தி, 17 வயது சிறுவனை சிறுவா் சீா்திருத்தப் பள்ளியிலும், மற்றவா்களை திருச்சி மத்திய சிறையிலும் அடைத்தனா்.
