சென்னையில் மருத்துவ மாணவி தூக்கிட்டு தற்கொலை செய்து கொண்டாா். இது குறித்து போலீஸாா் விசாரணை செய்கின்றனா்.
திருவள்ளூா் டவுன் பகுதியைச் சோ்ந்த வழக்குரைஞா் ரவி. இவரது மகள் திவ்யா (26). வேலூா் அரசு மருத்துவக் கல்லூரியில் எம்.பி.பி.எஸ். முடித்துவிட்டு, சென்னை கீழ்ப்பாக்கம் அரசு மருத்துவக் கல்லூரியில் முதுநிலை பொது மருத்துவம் இரண்டாமாண்டு படித்து வந்தாா். இதற்காக அவா், டி.பி. சத்திரம் தா்மராஜா கோயில் தெருவில் வாடகை வீட்டில் தங்கியிருந்தாா்.
செவ்வாய்க்கிழமை காலை நீண்ட நேரமாகியும் திவ்யா வசிக்கும் வீட்டின் கதவு திறக்கப்படவில்லை. சந்தேகமடைந்த வீட்டின் உரிமையாளா், டி.பி. சத்திரம் போலீஸாருக்கும், திவ்யாவின் தோழிகளுக்கும் தகவல் தெரிவித்தாா்.
அங்கு சென்ற போலீஸாா், கதவை உடைத்து உள்ளே சென்று பாா்த்தபோது, திவ்யா தூக்கிட்டு இறந்து கிடந்தது தெரியவந்தது. சடலத்தை உடல் கூறாய்வுக்காக கீழ்ப்பாக்கம் அரசு மருத்துவமனைக்கு போலீஸாா் அனுப்பி, வழக்குப் பதிந்து விசாரணை செய்கின்றனா்.
வேலூா் மருத்துவக் கல்லூரியில் இளநிலை மருத்துவம் படித்தபோது தங்கப் பதக்கம் பெற்றவா் திவ்யா. குடும்ப பிரச்னை காரணமாக அவா் மன அழுத்தத்தில் இருந்தது விசாரணையில் தெரியவந்தது. அதன் காரணமாக திவ்யா தற்கொலை செய்து கொண்டாரா என போலீஸாா் விசாரணை செய்கின்றனா்.
