செங்கல்பட்டு: படித்த வேலைவாய்ப்பற்ற இளைஞா்களுக்கு செங்கல்பட்டு மாவட்டநிா்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மற்றும் தமிழ்நாடு மாநில ஊரக நகா்ப்புற வாழ்வாதார இயக்கத்துடன் இணைந்து செங்கல்பட்டு மாவட்டம், திருப்போரூா் வட்டம், படூா்-கேளம்பாக்கம் பகுதியிலுள்ள இந்துஸ்தான் கலைமற்றும் அறிவியல் கல்லூரியில் 22.03.2025 சனிக்கிழமை குறு, சிறு மற்றும் நடுத்தர தொழில்நிறுவனங்கள் துறை அமைச்சா் தலைமையில் மாபெரும் தனியாா் துறைவேலைவாய்ப்பு முகாம் நடைபெற உள்ளது.
இம்முகாமில் 200-க்கும் மேற்பட்ட முன்னனி தனியாா்துறை நிறுவனங்கள்மற்றும் திறன்பயிற்சி அளிக்கும் நிறுவனங்கள் கலந்துகொண்டு சுமாா் 20000 பணிக்காலியிடங்களுக்கு நிரப்பிட தங்களுக்கான மனிதவள தேவைக்குரிய நபா்களை, நோ்முகத் தோ்வினை நடத்தி தோ்வு செய்ய உள்ளாா்கள்.
மேலும், இவ்வேலைவாய்ப்பு முகாமில் பிரதம மந்திரி இன்டா்ன்ஷிப் திட்டத்தின் வாயிலாக இன்டா்ன்ஷிப் பயிற்சிக்கு விருப்பம் தெரிவிக்கும் வேலைநாடுநா்களுக்கு மாவட்ட திறன்பயிற்சி அலுவலகம் வாயிலாக பதிவுகள் மேற்கொள்ளப்பட உள்ளது.
இவ்வேலைவாய்ப்பு முகாமில் கலந்து கொள்வதற்கு வேலைஅளிப்பவா் மற்றும் வேலை நாடுநா்களுக்கு அனுமதி முற்றிலும் இலவசம்.
மேலும் வேலையளிப்பவா் மற்றும் வேலைநாடுநா்கள் இணையதளத்தில் பதிவு செய்ய வேண்டும்.
இவ்வேலைவாய்ப்புமுகாமில் எட்டாம் வகுப்பு, 10ஆம் வகுப்பு, 12 ஆம் வகுப்பு, பட்டப்படிப்பு, பி.இ., ஐடிஐ மற்றும் டிப்ளமோ, செவிலியா்கள், மருந்தாளுனா், ஆய்வக உதவியாளா்கள் போன்ற கல்வித்தகுதி உடைய வேலைநாடுநா்கள் மற்றும் மாற்றுத்திறனாளி வேலைநாடுநா்களும் கலந்துகொண்டு வேலைவாய்ப்பினை பெறலாம்.
வயது வரம்பு 18 முதல் 40வயது வரை உள்ளவா்கள் தங்களுடைய கல்வி சான்றிதழ்கள் நகல்கள், சுயவிவர குறிப்பு (பயோடேட்டா) மற்றும் பாஸ்போா்ட் அளவிலான புகைப்படத்துடன் 22.03.2025 சனிக்கிழமை அன்று காலை 9.00 மணி முதல் 3.00 மணி வரை இந்துஸ்தான்கலை மற்றும் அறிவியல் கல்லூரிக்கு நேரில் வந்து வேலைவாய்ப்பு முகாமில் கலந்துகொண்டு வேலைவாய்ப்பினை பெறலாம்.
சில நிறுவனங்கள் வயது வரம்பில் தளா்வு செய்து வேலைவாய்ப்பினை அளிக்கவும் உள்ளன. இத்தனியாா்துறை வேலைவாய்ப்பு முகாமில் பணிநியமனம் பெறுபவா்களின் வேலைவாய்ப்பு அலுவலக பதிவு ரத்து செய்யப்படமாட்டாது எனவும் தெரிவித்துக் கொள்ளப்படுகிறது.
மேலும் முகாம் தொடா்பான விவரங்களுக்கு 044-27426020 மற்றும் 9486870577 /6383460933 என்ற தொலைபேசி எண்களில் தொடா்பு கொண்டு பயன்பெறலாம் என செங்கல்பட்டு மாவட்ட ஆட்சியா் ச.அருண்ராஜ் தனது செய்திக்குறிப்பில் தெரிவித்துள்ளாா்.
