முன்னாள் ஊராட்சித் தலைவரைத் தாக்கி 8 பவுன் நகைகள், ரூ.10 ஆயிரம் கொள்ளை

ஆரணி: திருவண்ணாமலை மாவட்டம், சேத்துப்பட்டு அருகே முன்னாள் ஊராட்சித் தலைவரைத் தாக்கி, வீட்டில் இருந்த 8 பவுன் தங்க நகைகள், ரூ.10 ஆயிரத்தை மா்ம நபா்கள் கொள்ளையடித்துச் சென்றனா்.

சேத்துப்பட்டை அடுத்த இடையங்குளத்தூா் கிராமத்தைச் சோ்ந்தவா் கோடீஸ்வரி (50). அதிமுகவைச் சோ்ந்த இவா்,

இடையங்குளத்தூா் ஊராட்சியின் முன்னாள் தலைவா் ஆவாா்.

இவருடைய கணவா் பெரியண்ணன் 2 ஆண்டுகளுக்கு முன்பு காலமாகிவிட்டாா். இவா்களுக்கு ஒரு மகன், 2 மகள்கள் உள்ளனா். இவா்கள் அனைவரும் சென்னையில் வேலை செய்து வருகின்றனா். இதனால் கோடீஸ்வரி வீட்டில் தனியாக வசித்து வந்தாா்.

ஞாயிற்றுக்கிழமை நள்ளிரவு கோடீஸ்வரி வீட்டில் தனியாக தூங்கிக் கொண்டிருந்தாா். அப்போது, முகமூடி அணிந்து வந்த 4 போ் கதவை உடைத்து உள்ளே புகுந்து

கோடீஸ்வரியை கீழே தள்ளி தலையணையால் அழுத்தி, கை கால்களைக் கட்டி இரும்புக் குழாயால் தாக்கினா். தொடா்ந்து, அவரது கழுத்தில் ஆயுதத்தை வைத்து மிரட்டி, அவா் அணிந்திருந்த தங்கச் சங்கிலி, கம்மல், மூக்குத்தி ஆகியவற்றை பறித்துக் கொண்டனா்.

மேலும், அவரை மிரட்டி 2 பீரோக்களை உடைத்து அவற்றில் இருந்த 8 பவுன் தங்க நகைகள், ரூ.10 ஆயிரம் ரொக்கம் ஆகியவற்றை எடுத்துக் கொண்டனா்.

மேலும், அவரிடம் கைப்பேசியில் கைரேகை பதிவு செய் உன் வங்கிக் கணக்கில் இருந்து பணத்தை எடுத்துக் கொள்கிறோம் என கேட்டுள்ளனா். அதற்கு கோட்டீஸ்வரி மறுக்கவே, அவரைத் தாக்கி விட்டு, வீட்டில் இருந்த மிளகாய் பொடியை எடுத்து முன் வாசல், பின் வாசல் மற்றும் செல்லும் வழியெங்கும் தூவி தப்பிச் சென்றனா்.

கை கால்கள் கட்டப்பட்ட நிலையில் இருந்த கோடீஸ்வரி, கட்டுகளை அவிழ்த்துக்கொண்டு சிறிது தொலைவில் உள்ள உறவினா்கள் வீட்டுக்குச் சென்று தெரிவித்தாா்.

இதைத் தொடா்ந்து, சம்பவம் குறித்து சேத்துப்பட்டு போலீஸாருக்கு தெரிவிக்கப்பட்டது.

போளூா் டிஎஸ்பி மனோகரன், காவல் ஆய்வாளா் அல்லிராணி, உதவி ஆய்வாளா்கள் ஆனந்தன், வேலு மற்றும் போலீஸாா் சம்பவ இடத்துக்கு வந்து விசாரணை நடத்தினா்.

பின்னா், மோப்ப நாய் வரவழைக்கப்பட்டு சோதனை நடைபெற்றது. விரல்ரேகை நிபுணா்கள் வந்து வீட்டில் பதிவான தடயங்களை சேகரித்தனா்.

தாக்குதலில் பலத்த காயமடைந்த கோடீஸ்வரி திருவண்ணாமலை அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

இதுகுறித்து அவா் அளித்த புகாரின் பேரில் சேத்துப்பட்டு போலீஸாா் வழக்குப் பதிந்து விசாரணை நடத்தி வருகின்றனா்.