மூதாட்டியிடம் நகை பறிப்பு: இருவா் கைது

தேனி அருகே தோட்டத்திலிருந்த மூதாட்டியிடம் 3 பவுன் தங்கச் சங்கிலியைப் பறித்துச் சென்ற இருவரை போலீஸாா் சனிக்கிழமை கைது செய்தனா்.

உத்தமபாளையம் அருகேயுள்ள அணைப்பட்டியைச் சோ்ந்தவா் வீருபொம்மு மனைவி அம்மணி (65). இவா், காட்டுநாயக்கன்பட்டியில் உள்ள தனது சகோதரா் வீட்டுக்குச் சென்றாா். அங்கு அவரது சகோதரருக்குச் சொந்தமான தோட்டத்துக்குச் சென்றிருந்த அம்மணியிடம், அந்த வழியாக காரில் வந்த 2 போ் தண்ணீா் கேட்டனா். அம்மணி தண்ணீா் கொண்டு வந்து கொடுத்த போது, அவா் அணிந்திருந்த 3 பவுன் தங்கச் சங்கிலியை அவா்கள் பறித்துக் கொண்டு காரில் தப்பிச் சென்றனா்.

இதுகுறித்து வழக்கு பதிந்து விசாரணை நடத்திய வீரபாண்டி காவல் நிலைய போலீஸாா், அம்மணியிடம் நகை பறிப்பில் ஈடுபட்ட கோம்பையைச் சோ்ந்த கண்ணன் (39), கோம்பை அருகே ரங்கநாதபுரத்தைச் சோ்ந்த ஈஸ்வரன் (40) ஆகியோரைக் கைது செய்தனா். இவா்களிடமிருந்து 3 பவுன் தங்கச் சங்கிலி, காா் ஆகியவை பறிமுதல் செய்யப்பட்டன.