செய்திகள் :

ராணுவம்: வானில் அச்சுறுத்தும் சீனாவின் 'செயற்கைகோள் படை' - எப்படி எதிர்கொள்ளும் இந்தியா?

post image

Lசீனாவின் விண்வெளி ராணுவத் தொழில்நுட்பம் உலக நாடுகளை அச்சுறுத்தத் தொடங்கியிருக்கிறது.

ஆர்பிட்டில் ஆதிக்கம் செலுத்தும் ராணுவ செயற்கை கோள்களை எதிர்கொள்வது இந்தியாவுக்கு சவாலானதாக இருக்கும்.

தாக்குதல் நடத்துவது மட்டுமல்லாமல், உளவு பார்ப்பது, கண்காணிப்பது போன்றவற்றுக்கு செயற்கைக்கோள்கள் பயன்படுத்தப்படுகின்றன.

இதிலிருந்து காப்பாற்றிக்கொள்ள உறுதியான விண்வெளி பாதுகாப்பு அமைப்புகள் தேவை என இந்திய ராணுவத்தின் உயர்மட்ட அதிகாரிகள் அறிவுறுத்தி வருகின்றனர்.

"விண்வெளியே இறுதியான களம். நாம் இப்போதே அதனைப் பாதுகாத்துக்கொள்ள வேண்டும். இல்லையென்றால், ஆபத்துகாலத்தில் கையறு நிலைக்குத் தள்ளப்படும் அபாயம் உள்ளது" என இந்திய விமானப்படையின் ஏர் மார்ஷல் அசுதோஷ் தீட்சித் தெரிவித்திருந்தார்.

ஏர் மார்ஷல் அசுதோஷ் தீட்சித்
ஏர் மார்ஷல் அசுதோஷ் தீட்சித்

ரூ.26,968 கோடி செலவில் விண்வெளி பாதுகாப்பு திட்டம்

இந்தியாவும் விண்வெளி சார்ந்த பாதுகாப்பு கட்டமைப்புகளை வலிமைப்படுத்தி வருகிறது. நடந்து முடிந்த பாகிஸ்தானுக்கு எதிரான ராணுவ தாக்குதலில் செயற்கைக்கோள் வழியான உடனுக்குடனான ராணுவ உளவு தகவல்களை இந்தியா உணர்ந்துள்ளதாகத் தெரிவிக்கப்படுகிறது.

இதன் விளைவாக 2029 ஆம் ஆண்டுக்குள் 52 பிரத்யேக ராணுவ பாதுகாப்பு செயற்கைக்கோள்களை நிலைநிறுத்த முடிவு செய்யப்பட்டுள்ளது.

ரூ.26,968 கோடி செலவில் இந்தியாவின் விண்வெளி பாதுகாப்பு திட்டத்தின் (space-based surveillance - SBS) 3வது கட்டம் செயல்படுத்தப்பட்டு வருகிறது. இதன் பகுதியாக வரும் 2026, ஏப்ரல் மாதம் விண்வெளிக்கு அனுப்பப்படவுள்ளது.

2023ம் ஆண்டு விண்வெளி பாதுகாப்பு திட்டம் தொடங்கப்பட்டாலும், பழைய செயற்கைகோள்களை நம்பியிருப்பதும், வெளிநாட்டு வணிக ரீதியிலான நிறுவனங்களை நம்பியிருப்பதும் செயல்முறையைத் தாமதப்படுத்தியதாகக் கூறப்படுகிறது.

இதனால் இந்தியா தானே SBS மூன்றாம் கட்டத்தில் செயற்கை நுண்ணறிவுடன் கூடிய செயற்கைக் கோள்களை செயல்படுத்த முன்வந்துள்ளது.

52 செயற்கைகோள்களில் இஸ்ரோ 21 உருவாக்கும், டாடா அட்வான்ஸ்டு சிஸ்டம்ஸ் மற்றும் அனந்த் டெக்னாலஜிஸ் போன்ற நிறுவனங்கள் மீதமுள்ள 31 செயற்கைக்கோள்களை உருவாக்கும்.

Indian Army
Operation Sindoor

இந்த செயற்கைகோள்கள் ஏஐ உதவியுடன் உடனுக்குடன் காலநிலை தளவல்களை வழங்கும். பகலிலும் இரவிலும் தடையின்றி முக்கிய இடங்களையும் எல்லைகளையும் பெருங்கடல்களையும் கண்காணிக்கும்.

ஆர்பிட்டில் அதிகரிக்கும் செயற்கைகோள்களால் விண்வெளிக்குப்பைகள் பெருகுவதற்கு மத்தியில் இந்தியா இந்த நடவடிக்கைகளைத் துரிதப்படுத்த சீனாவின் செயல்பாடுகளே காரணம் எனக் கூறப்படுகிறது.

சீனாவின் விண்வெளி ராணுவம்!

2010ம் ஆண்டு சீனா 26 செயற்கைகோள்களை மட்டுமே செலுத்தியிருந்தது. 2024க்குள் அந்த எண்ணிக்கை 1000 ஆக உயர்ந்துவிட்டது.

இவற்றில் 500 செயற்கைகோள்கள் உளவுபார்க்கவும் கண்காணிக்கவும் பயன்படுத்தப்படலாம் என அமெரிக்காவின் அறிக்கை தெரிவிக்கிறது.

2024ம் ஆண்டு மட்டுமே சீனா 260 செயற்கைகோள்களை செலுத்தியுள்ளது. இவற்றில் 67 உளவு செயற்கைகோள்கள் அடக்கம்.

விண்வெளி ராணுவ செயற்கைகோள்களை அமைப்பதில் சீனாவின் வேகம் திகைப்பூட்டுவதாக கூறியுள்ளார் அமெரிக்க விமானப்படை ஜெனரல் ஸ்டீபன் வைட்டிங்.

Satelite

சீனா மற்ற நாடுகளின் செயற்கைகோள்களை அழிக்கும் கொலை வலையை விண்வெளியில் உருவாக்கியிருப்பதாக அவர் விமர்சித்தார்.

சீனாவின் செயற்கைக்கோள்களில் செயற்கைக்கோள் எதிர்ப்பு ஏவுகணைகள், மின்னணு ஜாமிங் கருவிகள் மற்றும் லேசர் ஆயுதங்கள் இருக்கின்றன. பாகிஸ்தானுடனான இந்தியாவின் மோதலின்போது சீனாவின் செயற்கைக்கோள்கள் மூலம் பெறப்பட்ட தரவுகள் பாகிஸ்தானுக்கு பகிரப்பட்டதாகக் கூறப்படுகிறது.

2026 நிதியாண்டிற்கான இந்தியாவின் பாதுகாப்பு பட்ஜெட் ₹6.81 லட்சம் கோடியாக உள்ளது. ஆப்பரேஷன் சிந்தூருக்குப் பிறகு, செயற்கைக்கோள் ஏவுதல்கள் மற்றும் விண்வெளி உளவு அமைப்பை மேம்படுத்துவதற்கு நிதியளிக்க ₹50,000 கோடி கூடுதலாக அதிகரிக்கப்படலாம் என்ற தகவல்களும் கூறப்படுகின்றன.

இதேவேளையில் சீனாவின் ராணுவ பட்ஜெட் ரூபாய் மதிப்பில், 20 லட்சம் கோடிக்கும் அதிகம். ஒட்டுமொத்த ராணுவ செலவீனம் 30 லட்சம் கோடியாக இருக்கலாம் என அமெரிக்கா கணிக்கிறது.

சீனா கொடுக்கும் பாதுகாப்பு நெருக்கடிகள் காரணமாக இந்தியாவின் ராணுவ பட்ஜெட் 2047ம் ஆண்டுக்குள் 5 மடங்கு உயரலாம் எனக் கூறப்படுகிறது.

`மகாராஷ்டிரா எங்கள் பணத்தில் வாழ்கிறது..!' - தாக்கரே சகோதரர்களை விமர்சித்த பாஜக எம்.பி

மகாராஷ்டிராவில் வாழும் வெளிமாநிலத்தவர்கள் கட்டாயம் மராத்தி பேசவேண்டும் என்று ராஜ் தாக்கரே எச்சரித்துள்ளார். மராத்தி பேசமாட்டேன் என்று சொன்ன தொழிலதிபர் அலுவலகத்தை ராஜ் தாக்கரே கட்சி தொண்டர்கள் தாக்கி ச... மேலும் பார்க்க

ரஷ்யா: கருவுறும் பள்ளி மாணவிகளுக்கு ரூ.1,00,000 நிதி - புதின் திட்டத்துக்கு வலுக்கும் எதிர்ப்பு!

ரஷ்யாவில் குழந்தைப் பிறப்பு விகிதம் குறைந்து வருவதையடுத்து, சில மாகாணங்களில் கர்ப்பம் தரிக்கும் பள்ளி குழந்தைகளுக்கு குழந்தைப் பேறுக்காகவும், வளர்ப்புச் செலவுக்காகவும் அரசு சார்பில் 1,00,000 ரூபிள்கள்... மேலும் பார்க்க

``நாங்கள் கூட்டணி அமைத்தால் மட்டும் பாஜக மதவாத கட்சியா?'' - ஸ்டாலினுக்கு எடப்பாடி பழனிசாமி கேள்வி!

"மிசாவில் உங்களை கைது செய்தவர்களுடன் நீங்கள் கூட்டணி வைக்கலாம்.. நாங்கள் பாஜகவுடன் கூட்டணி வைத்தால் என்ன தவறு" என்று ஸ்டாலினுக்கு கேள்வி எழுப்பியுள்ளார் எடப்பாடி பழனிசாமி. 2026 சட்டமன்ற தேர்தலை முன்னி... மேலும் பார்க்க

'நான் யாருன்னு தெரியல?' - திடீரென விசாரித்த அமைச்சர்... தெரியாமல் விழித்த அரசு பேருந்து ஊழியர்கள்

தமிழக போக்குவரத்து துறை அமைச்சர் சிவசங்கர் பேருந்துகளில் அவ்வப்போது திடீரென்று ஆய்வு செய்து பயணிகளின் குறைகளை கேட்டறிந்து வருவதை தனது அலுவல்களில் ஒன்றாக வைத்துள்ளார். அந்த வகையில், கோவையில் உள்ள கொடீச... மேலும் பார்க்க

'முருகர் மாநாட்டை நடத்திய பெருமை எங்களுக்கே உண்டு!' - அமைச்சர் சேகர் பாபு பெருமிதம்!

'திருச்செந்தூர் குடமுழுக்கு!'திருச்செந்தூர் முருகன் கோயிலின் குடமுழுக்கு வெகு விமர்சையாக நடந்து முடிந்திருக்கிறது. குடமுழுக்கு முடிந்த பிறகு அமைச்சர் சேகர் பாபு பத்திரிகையாளர்களை சந்தித்திருந்தார். அப... மேலும் பார்க்க

இறைவனை கூட பார்க்க முடியவில்லை; 2000 ஆண்டு கால பிரச்னை இது- முருகர் கோயிலில் செல்வப்பெருந்தகை வேதனை!

ஸ்ரீபெரும்புதூருக்கு அருகே உள்ள வல்லக்கோடை முருகன் கோயிலின் குடமுழுக்கு நிகழ்வு ஒன்றில் தமிழ்நாடு காங்கிரஸ் தலைவர் செல்வப்பெருந்தகை அனுமதிக்கப்படாதது சர்ச்சையை கிளப்பியிருக்கிறது.செல்வப்பெருந்தகைமூலவர... மேலும் பார்க்க