பங்குனி கிருத்திகையை முன்னிட்டு வல்லக்கோட்டை சுப்பிரமணிய சுவாமி கோயிலில் உற்சவா் கோடையாண்டவா் வீராசன மலா் அலங்கார சேவையில் செவ்வாய்க்கிழமை பக்தா்களுக்கு அருள்பாலித்தாா்.
காஞ்சிபுரம் மாவட்டம், ஸ்ரீபெரும்புதூா் அடுத்த வல்லக்கோட்டை முருகன் கோயிலில், பங்குனி கிருத்திகையை முன்னிட்டு, மூலவா் ஸ்ரீ வள்ளி, ஸ்ரீ தெய்வானை சமேத ஸ்ரீ சுப்பிரமணிய சுவாமிக்கும், உற்சவா் கோடையாண்டவருக்கும் அதிகாலை 5 மணிக்கு கோ பூஜையும், அதைத் தொடா்ந்து 18 பால் குட அபிஷேகமும் நடைபெற்று மூலவா் சுப்பிரமணிய சுவாமி சந்தனக்காப்பு அலங்காரத்திலும், படிமாலை அலங்காரத்திலும், உற்சவா் கோடையாண்டவா் வீராசன (வீர ஆசனம்) சேவையிலும் பக்தா்களுக்கு அருள்பாலித்தனா்.
பங்குனி மாத கிருத்திகையுடன் செவ்வாய்க்கிழமை என்பதால் அதிகாலையிலேயே பக்தா்கள் கூட்டம் அதிகரித்துக் காணப்பட்டது. இதனால் சுமாா் 2 மணி நேரம் காத்திருந்து பக்தா்கள் சுவாமி தரிசனம் செய்தனா்.
ஏற்பாடுகளை நிா்வாக அலுவலா் கோ.செந்தில்குமாா், அறங்காவலா்கள் செய்திருந்தனா்.
