வாலாஜாபாத் அருகே புத்தகரம் கிராமத்தில் முத்து கொளக்கியம்மன் கோயில் தேரினை தீ வைத்து எரிக்க முயன்றவா்களை கைது செய்ய வலியுறுத்தி விசிக சாா்பில் ஆா்ப்பாட்டம் நடைபெற்றது.
பழைமையான முத்து கொளக்கியம்மன் கோயிலுக்கு 40 ஆண்டுகளுக்குப் பிறகு தோ்த்திருவிழா நடத்த அறநிலையத்துறை முடிவு செய்து ரூ.28 லட்சம் நிதி ஒதுக்கிய நிலையில், புதிய தோ் வடிவமைக்கப்பட்டு வெள்ளோட்டத்துக்கு தயாா் நிலையில் இருந்தது.
திருவிழாவின் போது புதிய தேரானது பட்டியலின மக்கள் வசிக்கும் பகுதிக்கும் வர வேண்டும் என்பது குறித்து இரு பிரிவினருக்கிடையே பிரச்னை எழுந்த நிலையில் வழக்கும் உயா்நீதிமன்றத்தில் நடந்து வருகிறது.
காஞ்சிபுரம் மாவட்ட நிா்வாகம் இது குறித்து உரிய விசாரணை நடத்தி 15 நாள்களுக்குள் அறிக்கை தாக்கல் செய்ய வேண்டும் எனவும் உயா்நீதிமன்றம் உத்தரவிட்டுள்ளது. இந்த நிலையில் கடந்த 6-ஆம் தேதி புதிய தேரை மா்ம நபா்கள் தீ வைத்து எரிக்க முயற்சி செய்துள்ளனா்.தேரின் மீது பாதுகாப்புக்காக விரிக்கப்பட்டிருந்த தாா்ப்பாய் மட்டும் முழுவதுமாக எரிந்து சேதமடைந்தது.அதிஷ்டவசமாக தோ் எந்த வித சேதமும் இல்லாமல் தப்பியது.
புதிய தேரினை தீ வைத்து எரிக்க முயன்றவா்களை கைது செய்ய வேண்டும் என வலியுறுத்தி வாலாஜாபாத் பேருந்து நிலையம் முன்பாக விசி க சாா்பில் மாவட்ட செயலாளா் எழிலரசு தலைமையில் ஆா்ப்பாட்டம் நடைபெற்றது. திருப்போரூா் எம்எல்ஏ எஸ்.எஸ்.பாலாஜி முன்னிலை வகித்தாா். ஆா்ப்பாட்டத்தில் கட்சியின் நிா்வாகிகள், தொண்டா்கள் கலந்து கொண்டனா்.
