L2: எம்புரான் படத்திற்குத் தடை கோரிய கேரள பாஜக நிர்வாகி சஸ்பெண்ட்; பின்னணி என்ன?
Admin
- yesterday
பிரித்விராஜ் இயக்கத்தில் மோகன்லால் நடிப்பில் கடந்த 2019-ம் ஆண்டு வெளியான திரைப்படம் `லூசிஃபர்'. இப்படத்தின் இரண்டாம் பாகமாக உருவாகியிருக்கும் `எல் 2: எம்புரான்' கடந்த 27-ம் தேதி திரையரங்குகளில் வெளியானது.
இப்படத்தில் குஜராத் மதக்கலவரத்தைப் போலக் காட்சி ஒன்று இடம்பெற்றிருந்தாக, வலதுசாரிகள் எம்புரானைக் கடுமையாக விமர்சித்து வந்தனர்.
இதனைத் தொடர்ந்து, அக்காட்சிகள் படத்திலிருந்து நீக்கப்படும் என்று மோகன்லால் தெரிவித்திருந்தார்.
இந்நிலையில், எம்புரான் படத்துக்கு உடனடியாகத் தடை விதிக்கக் கோரி கேரள பா.ஜ.க நிர்வாகி வி.வி. விஜேஷ் என்பவர் அம்மாநில உயர் நீதிமன்றத்தில் மனு அளித்திருந்தார்.
அந்த மனுவில், "எம்புரான் படத்தில் 2002 கோத்ரா கலவரத்தைக் குறிப்பிடும் காட்சிகள் இருக்கின்றன.
பாதுகாப்பு அமைச்சகத்தைப் பற்றி தேவையற்ற கருத்துகளை வெளியிட்டுள்ளனர். மத்தியப் புலனாய்வு அமைப்புகளின் நம்பகத்தன்மை மற்றும் நேர்மையைக் குறைமதிப்பிற்கு உட்படுத்தும் வகையில் காட்சிகளைச் சித்தரித்துள்ளனர்.
இந்தப் படம் வகுப்புவாதக் கலவரத்தைத் தூண்டக்கூடும். வகுப்புவாதக் கலவரத்தைத் தவிர்க்கப் படத்தின் காட்சிகளை உடனடியாக நிறுத்த உத்தரவிட வேண்டும்" எனத் தெரிவிக்கப்பட்டுள்ளது.
மனுவை விசாரித்த உயர் நீதிமன்றம் படத்திற்குத் தடை விதிக்க மறுத்துவிட்டது. இதனிடையே நிர்வாகி விஜேஷ் பா.ஜ.க-வில் இருந்து சஸ்பெண்ட் செய்யப்பட்டிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/KzgH8aPb2MI9PVttY53JpX
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
