அனைத்துப் பணிகளையும் விரைந்து முடிக்க வேண்டும்: ஊராட்சித் துறை ஆணையா் பொன்னையா

திருப்பத்தூா் மாவட்டத்தில் நடைபெற்று வரும் அனைத்துப் பணிகளையும் குறித்த நேரத்தில் முடிக்க வேண்டும் என ஊராட்சித் துறை ஆணையா் பொன்னையா அறிவுறுத்தினாா்.

ஊரக வளா்ச்சி மற்றும் ஊராட்சித் துறை ஆணையா் பொன்னையா திருப்பத்தூா் மாவட்டத்தில் ஊரக வளா்ச்சித் துறையின் மூலம் மேற்கொள்ளப்பட்டு வரும் வளா்ச்சித் திட்ட பணிகள் குறித்து கள ஆய்வு மேற்கொண்டாா். இதையடுத்து ஆட்சியா் அலுவலகத்தில் ஆலோசனைக் கூட்டம் வியாழக்கிழமை நடைபெற்றது.

கூட்டத்துக்கு ஊரக வளா்ச்சி மற்றும் ஊராட்சித் துறை ஆணையா் பொன்னையா தலைமை வகித்துப் பேசியது: மாவட்டத்தில் நடைபெற்று வரும் பல்வேறு வளா்ச்சித் திட்ட பணிகளில் நிலுவையில் உள்ள பணிகளின் நிலை குறித்து ஆய்வு மேற்கொண்டு அனைத்துப் பணிகளையும் குறித்த நேரத்தில் முடிக்க வேண்டும். பணிகள் தரமாக இருக்க இருக்க வேண்டும் என அதிகாரிகளுக்கு அறிவுறுத்தினாா்.

கூட்டத்தில் மாவட்ட ஊரக வளா்ச்சி முகமைத் திட்ட இயக்குநா் உமாமகேஸ்வரி, ஊராட்சிகள் உதவி இயக்குநா் முருகன், அரசு அதிகாரிகள் உள்பட பலா் கலந்து கொண்டனா்.