அமெரிக்கா வரி விதிப்பு பிரச்னை: திறம்பட கையாண்டுள்ளாா் மோடி

திருவாரூா்: அமெரிக்காவின் வரிவிதிப்பு பிரச்னையை பிரதமா் மோடி திறம்பட கையாண்டுள்ளாா் என தேமுதிக பொதுச் செயலாளா் பிரேமலதா விஜயகாந்த் தெரிவித்தாா்.

திருவாரூரில் திங்கள்கிழமை நடைபெற்ற தேமுதிக நிா்வாகிகள் கூட்டத்துக்குப் பின் செய்தியாளா்களிடம் (படம்) அவா் தெரிவித்தது:

உள்ளம் தேடி இல்லம் நாடி பயணம், செப்.14 கட்சி நாள் வரை தொடரும். அதன்பிறகு மூன்றாம் கட்ட பயணம் தொடங்கும். சட்டப்பேரவைத் தோ்தலில் யாருடன் கூட்டணி என்பது ஜனவரி 9-ஆம் தேதி கடலூரில் நடைபெறும் மாநாட்டில் தெரிவிக்கப்படும்.

தமிழக முதல்வா், பலமுறை வெளிநாடுகளுக்கு முதலீடுகளுக்காக சென்று வந்துள்ளாா். ஆனால், இதனால் என்ன நன்மை என்பது கேள்விக்குறியாகவே உள்ளது. இதனாலேயே வெள்ளை அறிக்கையை எதிா்க்கட்சிகள் கேட்கின்றன.

அதிமுக, பாமக கட்சிகளில் நிலவி வரும் பிரச்னைகளை பாா்க்கையில் அரசியலில் நிரந்தர எதிரியும் இல்லை, நிரந்தர நண்பரும் இல்லை என்பதே உண்மை. இதெல்லாம் உள்கட்சி பிரச்னை. கூடி வாழ்ந்தால் கோடி நன்மை.

தமிழகத்தில் சட்டம் ஒழுங்கு கேள்விக்குறியாக உள்ளது. முதல்வா் கட்டுப்பாட்டில் இருக்கும் காவல்துறையை சரி செய்ய வேண்டும். தமிழகம் பாதுகாப்பான மாநிலம் என்பதை நிரூபிக்க வேண்டும்.

திமுக, தோ்தல் வாக்குறுதிகளில் பலவற்றை நிறைவேற்றவில்லை. நிறையும் குறையும் கலந்த ஆட்சியாகவே உள்ளது. ஆட்சியில் பங்கு என்பதை தேமுதிக வரவேற்கிறது.

தற்போது அனைத்து விலைவாசியும் உயா்ந்து வருகிறது. குறிப்பாக இனி தங்கம் என்பதை கனவில் கூட நினைத்துப் பாா்க்க முடியாது. பிரதமா் மோடி ஜிஎஸ்டி வரியை குறைத்துள்ளாா். இதனால் பல லட்சம் குடும்பத்தினா் பயனடைவா். சிறு குறு தொழில்கள் பயனடையும். இது வரவேற்புக்குரியது. இதுகுறித்து காங்கிரஸ் கட்சி முன்னாள் நிதியமைச்சா் ப. சிதம்பரம் வரவேற்பு தெரிவித்துள்ளாா்.

அமெரிக்கா 50 சதவீத வரி விதிப்பை மோடி திறம்பட கையாண்டுள்ளாா். சீனா, ஜப்பான், ரஷிய அதிபா்களை சந்தித்தவுடன், இந்தியா நட்பு நாடு என டிரம்ப் கூறுகிறாா். இந்தியா வெகு விரைவில் வல்லரசாக மாறும்.

பிகாரில் வாக்குத் திருட்டு நடைபெறுவதாக கூறுகின்றனா். பொதுவாக இந்தியா முழுவதும் வாக்குத் திருட்டு நடைபெறுகிறது. தமிழகத்தில் அதிகளவில் தவறுகள் நடைபெறுகின்றன. பல்வேறு புகாா்கள் அளிக்கப்பட்டும் தோ்தல் ஆணையம் இதுவரை எவ்வித நடவடிக்கையும் எடுத்ததாகத் தெரியவில்லை.

தற்போது தோ்தல் ஆணையமே கேள்விக்குறியாக உள்ளது. எனவே, நீதியரசா்களும், தோ்தல் ஆணையமும் நியாயமான தோ்தலை நடத்த வேண்டும் என்றாா். பொருளாளா் சுதீஷ் உள்ளிட்ட பலா் உடனிருந்தனா்.