அரசு பங்களாவில் கூடுதலாக தங்கியதால் ரூ.20 லட்சம் வாடகை: எம்எல்ஏ மனுவை விசாரிக்க உச்சநீதிமன்றம் மறுப்பு

‘அரசு பங்களாவில் யாரும் நீண்டகாலம் தங்கக் கூடாது’ என்று தெரிவித்த உச்சநீதிமன்றம், பதவியில் இல்லாமல் இரண்டு ஆண்டுகள் தங்கியதற்காக ரூ.20 லட்சம் வாடகையாக விதிக்கப்பட்டதற்கு எதிராக பிகாா் முன்னாள் எம்எல்ஏ அவனீஷ் குமாா் சிங் தொடுத்த மனுவை விசாரிக்க மறுத்துவிட்டது.

பிகாா் பேரவையில் 5 முறை எம்எல்ஏவான அவனீஷ் கடந்த 2014-இல் தனது எம்எல்ஏ பதவியை ராஜிநாமா செய்து, பாஜகவிலிருந்து விலகி ஐக்கிய ஜனதா தளத்தில் சோ்ந்தாா். அப்போது நடைபெற்ற மக்களவைத் தோ்தலில் போட்டியிட்டு தோல்வியைத் தழுவினாா். அவரது அரசு பங்களா மற்றொரு அமைச்சருக்கு ஒதுக்கப்பட்டது. ஆனால், 2016 வரையில் அவனீஷ் தனது அரசு பங்களாவை காலி செய்யவில்லை. அதன் பிறகு அவனீஷ் மாநில பேரவையின் ஆய்வு மற்றும் பயிற்சி அமைப்பின் நிா்வாகியாகி மீண்டும் அதே அரசு பங்களாவில் தொடா்ந்து வருகிறாா்.

அவா் எந்தப் பதவியும் வகிக்காத இரண்டு ஆண்டுகளுக்கான வாடகைத் தொகையாக ரூ.20,98,757 மாநில அரசு விதித்தது.

இதை எதிா்த்து அவா் பாட்னா உயா் நீதிமன்றத்தில் வழக்கு தொடுத்தாா். அவரது வாடகைத் தொகையை உயா் நீதிமன்றத்தின் ஒரு நபா் நீதிபதி உறுதி செய்தாா். இந்த உத்தரவையே இரு நபா் நீதிபதிகளும் உறுதி செய்தனா். இதை எதிா்த்து உச்ச நீதிமன்றத்தில் அவனீஷ் தொடுத்த மேல் முறையீட்டு மனுவை தலைமை நீதிபதி பி.ஆா்.கவாய், நீதிபதி கே.வினோத்சந்திரன், என்.வி.அஞ்சாரியா ஆகியோா் செவ்வாய்க்கிழமை விசாரித்தனா்.

அப்போது நீதிபதிகள், ‘அரசு பங்களாவில் யாரும் நீண்ட காலம் தங்கக் கூடாது’ என்று கூறி வழக்கை விசாரிக்க மறுத்துவிட்டனா். இதையடுத்து, மனுவை திரும்பப் பெறுவதாக அவனீஷின் வழக்குரைஞா் கூறினாா். எனினும், இந்த வழக்கில் அவனீஷுக்கு உள்ள சட்ட வாய்ப்புகளை அவா் பயன்படுத்திக் கொள்ளலாம் என்று நீதிபதிகள் அறிவுறுத்தினா்.