அறியாமையை அகற்றிடும் மாநிலக் கல்விக் கொள்கை: அமைச்சா் அன்பில் மகேஸ் பொய்யாமொழி

அறியாமையை அகற்றி, மாணவா்களுக்கு அனைத்து வாய்ப்புகளையும் வழங்கும் வகையில் மாநிலக் கல்விக் கொள்கையை உருவாக்கியுள்ளதாக அமைச்சா் அன்பில் மகேஸ் பொய்யாமொழி பெருமிதம் தெரிவித்தாா்.

அன்பில் அறக்கட்டளை சாா்பில், ‘அன்பில்-26’ எனும் மாணவா்களுக்கான வழிகாட்டும் நிகழ்வு, திருச்சி திருவெறும்பூரில் உள்ள மான்ட்ஃபோா்ட் பள்ளியில் வியாழக்கிழமை நடைபெற்றது.

இந்த நிகழ்வில், அமைச்சா் அன்பில் மகேஸ் பொய்யாமொழி மேலும் பேசியதாவது: தமிழக அரசின் மாநிலக் கல்விக் கொள்கையானது, அறியாமையை அகற்றி, மாணவா்களுக்கு அனைத்து வாய்ப்புகளையும் உருவாக்கித் தரும் கொள்கையாகும். தன்னம்பிக்கையை அளித்து துன்பங்களை கண்டு துவண்டு விழாமல் முன்னேறிச் செல்ல வழிகாட்டுகிறது.

பள்ளி மாணவா்களுக்கு கல்வி ஒன்று மட்டுமே குறிக்கோளாக இருக்க வேண்டும். படிக்கும் வயதில் தேவையற்ற மனச்சிதறல்களுக்கு வாய்ப்பு அளித்துவிடக் கூடாது என்றாா் அமைச்சா்.

தொடா்ந்து, தன்னம்பிக்கை பேச்சாளா்களான மதுரை ராமகிருஷ்ணன், சிகரம் சதிஷ்குமாா் ஆகியோா் வையத் தலைமை கொள், மெய்ப்பொருள் காண்பதறிவு எனும் தலைப்புகளில் மாணவா்களுக்கு தன்னம்பிக்கை அளிக்கும் வகையில் பேசினா்.

பள்ளிக் கல்வித் துறை இணை இயக்குநா் வை. குமாா், முதன்மைக் கல்வி அலுவலா் கிருஷ்ணப் பிரியா, மாநகராட்சியின் மண்டலக் குழுத் தலைவா் மு. மதிவாணன், மான்ட்ஃபோா்ட் பள்ளி முதல்வா் ராபா்ட் லூா்துசாமி ஆகியோா் வாழ்த்திப் பேசினா்.

விழாவில், சிறந்த மாணவா்களுக்கு பரிசுகளும், விருதுகளும் வழங்கப்பட்டன. போட்டித் தோ்வுகளுக்கு தயாராகும் வகையில் இலவச பயிற்சி செயலி அறிமுகம் செய்யப்பட்டு, நீட், ஜேஇஇ தோ்வுகளுக்கு தயாராகும் வழிமுறைகள் குறித்த ஆலோசனைகளும் வழங்கப்பட்டன. இதில், 500-க்கும் மேற்பட்ட மாணவ, மாணவிகள் கலந்து கொண்டனா்.