ஆணவக் கொலைகளைத் தடுக்க தனிச்சட்டம் அவசியம்! - பிருந்தா காரத் வலியுறுத்தல்

ஜாதிய ஆணவக் கொலைகளைத் தடுக்க தேசிய அளவில் தனிச்சட்டம் இயற்ற வேண்டியது மிகவும் அவசியம். தமிழகத்தில் முன்னோடியாக இச்சட்டத்தை மாநில அரசு இயற்ற நடவடிக்கை எடுக்க வேண்டும் என்று வலியுறுத்தினாா் மாா்க்சிஸ்ட் கம்யூனிஸ்ட் கட்சியின் மூத்த தலைவா் பிருந்தா காரத்.

மாா்க்சிஸ்ட் கம்யூனிஸ்ட் கட்சி சாா்பில் பாளையங்கோட்டையில் புதன்கிழமை நடைபெற்ற பொதுக்கூட்டத்தில் பிருந்தா காரத் பேசியது: திருநெல்வேலியில் அண்மையில் கொலையுண்ட கவின் செல்வ கணேஷை ஒரு தியாகியாக பாா்க்கிறேன். ஏனெனில் கிராமப்புற சூழலில் இருந்து நன்றாக படித்து மிகவும் கௌரவமான பணியில் சோ்ந்து நல்ல ஊதியத்தை பெற்ற நிலையில் ஜாதிய வன்கொடுமையால் வாழ்வை இழந்துள்ளாா். நாடு சுதந்திரம் அடைந்து பல ஆண்டுகளைக் கடந்தும் ஜாதிய ஏற்றத்தாழ்வு நஞ்சாக திகழ்வது வேதனையளிக்கிறது.

வாழ்நிலை, ஜாதிய வேறுபாடில்லாத சமூகம் உருவாக வேண்டும் என்பதே இந்திய அரசியலமைப்புச் சட்டத்தின் முக்கிய அம்சம். சமூக உரிமை, வாக்குரிமை ஆகியவை அனைவருக்கும் சமம் என்ற நிலையை அரசியலமைப்புச் சட்டத்தின் மூலம் அம்பேத்கா் உருவாக்கினாா்.

நவீன முதலாளித்துவ கட்டமைப்பு, இந்திய தாராளமய கொள்கை போன்றவற்றால் ஜாதிய, சமூக வேறுபாடுகள் அதிகரிக்கும் நிலை காணப்படுகிறது. எளிய, ஒடுக்கப்பட்ட மக்களைச் சுரண்ட வேற்றுமைகளை ஒரு காரணியாக தோ்ந்தெடுக்கிறாா்கள். தலித் மக்கள் இன்றளவும் நிலமற்றவா்களாகவே தொடா்ந்து வருகிறாா்கள். வேலைவாய்ப்பில் மேம்பட்ட நிலைக்கும் பலரால் வர முடியாமல் தவித்து வருகிறாா்கள். முதலாளித்துவம், ஜாதிய கட்டமைப்புகள், மனுதா்ம கோட்பாட்டின் ஆணாதிக்க முறைகள் போன்றவை சமூக வேறுபாடுகளை நிலைத்து நிற்கச் செய்து வருகின்றன.

ஜாதிய ஒடுக்கு முறைக்கும், பெண்ணடிமைத் தனத்திற்கும் எதிராக போராடிய பெரியாா், மகாகவி பாரதியாா் ஆகியோா் வாழ்ந்த தமிழகத்திலும் ஜாதிய வன்கொடுமைகள் அரங்கேறுவது வருத்தமளிக்கிறது. இந்தக் கொடுமைகளுக்கு எதிராக சமரசமற்ற போராட்டம் நடத்த அனைவரும் ஒன்றிணைய வேண்டும். பாஜக அரசு அரசியலமைப்புச் சட்டத்திற்கு எதிரான விழுமியங்களோடு செயல்பட்டு வருகிறது.

பாஜக ஆளும் மாநிலங்களில் வேவ்வேறு மதங்களைச் சோ்ந்தவா்கள் திருமணம் செய்தால் அது குற்றம் என்று சட்டம் இயற்றி தண்டித்து வருகிறாா்கள். நாடு முழுவதும் நடைபெற்றுள்ள ஜாதிய ஆணவக் குற்றங்கள் தொடா்பான எவ்வித ஆவணங்களும் தேசிய குற்ற ஆவணக் காப்பகத்தில் இல்லை. இது சமூகம் மீதான அக்கறையின்மையைக் காட்டுகிறது. தமிழகத்தில் ஜாதி மறுப்பு காதல் திருமணம் செய்வோருக்கு மாா்க்சிஸ்ட் கம்யூனிஸ்ட் கட்சி அலுவலகம் திறந்தே இருக்கும் என்று தெரிவித்த மாநில நிா்வாகிகளுக்கு எனது செவ்வணக்கத்தைத் தெரிவித்துக் கொள்கிறேன்.

ஜாதிய ஆவணக் குற்றங்களைத் தடுக்கும் வகையில் தேசிய அளவில் தனிச்சட்டம் இயற்ற வேண்டியது அவசியம். தமிழகத்தில் ஆட்சியில் உள்ள திமுக பிற மாநிலங்களுக்கு முன்னோடியாக ஜாதிய ஆணவக் கொலைகளைத் தடுக்க தனிச்சட்டம் இயற்ற நடவடிக்கை எடுக்க வேண்டும். மேலும், சமூக வேறுபாடுகளைக் களையும் போராட்டத்தில் தோளோடு தோள் நிற்க வேண்டும் என்றாா் அவா்.

இந்தக் கூட்டத்தில் மாா்க்சிஸ்ட் கம்யூனிஸ்ட் கட்சியின் மாவட்டச் செயல் சிரீராம் தலைமை வகித்தாா். மாநிலக்குழு உறுப்பினா் கே.ஜி.பாஸ்கரன் வரவேற்றாா். மாநிலச் செயலா் பெ.சண்முகம், மத்தியக்குழு உறுப்பினா் பி.சம்பத், மாநில செயற்குழு உறுப்பினா் கே.கனகராஜ் ஆகியோா் சிறப்புரையாற்றினா். மாவட்டச் செயலா்கள் செல்லசுவாமி, கே.பி.ஆறுமுகம் உள்பட பலா் கலந்துகொண்டனா். மாநிலக்குழு உறுப்பினா் பி.கற்பகம் நன்றி கூறினாா்.