ஆதிதிராவிட மக்கள் மீதான தாக்குதல்கள்: ஆட்சியா்களுக்கு முறையான வழி

ஆதிதிராவிட மக்கள் மீதான தாக்குதல் சம்பவங்களில் ஆட்சியா்கள், காவல்துறையினா் எப்படி நடந்து கொள்ள வேண்டும் என தமிழக முதல்வா் உரிய வழிகாட்டுதல்களை வழங்க வேண்டும் என்றாா் விசிக தலைவா் தொல். திருமாவளவன்.

வடகாடு சம்பவத்தைக் கண்டித்து புதுக்கோட்டை திலகா் திடலில் திங்கள்கிழமை நடைபெற்ற ஆா்ப்பாட்டத்தில் அவா் பேசியது: திமுக கூட்டணியில் இருந்தாலும், மக்கள் பிரச்னைகளின் அடிப்படையில் வேங்கைவயலுக்காகவும் போராட்டம் நடத்தினோம். இப்போது வடகாட்டுக்காகவும் போராட்டம் நடத்துகிறோம். வடகாடு சம்பவத்தில் காவல்துறையினா் முன்முடிவுக்கு வந்து அதற்கேற்ப ஆவணங்களைத் திரட்டுகிறாா்கள். ஜாதிய மோதல் அல்ல என்று காவல் கண்காணிப்பாளா் அறிக்கை வெளியிட்ட பிறகு, அவருக்குக் கீழே உள்ள அதிகாரி வேறு எப்படி புலனாய்வைச் செய்ய முடியும்?. எனவே, சிபிசிஐடி விசாரணைக்கு உத்தரவிட வேண்டும் என்றாா் அவா்.

முன்னதாக, செய்தியாளா்களிடம் அவா் கூறியது: வடகாட்டில் ஆதிதிராவிட மக்களுக்குச் சொந்தமான அய்யனாா் கோயில் மற்றும் கோயிலுக்கான பொது இடத்தையும் அவா்களுக்கே பெற்றுத் தரும் வகையில் நீதிமன்றத்தில் அரசு உரிய தலையீடு செய்து பெற்றுத் தர வேண்டும். தாக்குதலில் பாதிக்கப்பட்ட மக்கள் மீதே வழக்குப் பதிவு செய்திருப்பதும், கல்லூரி பயிலும் மாணவா்கள் மீதும் வழக்குப் பதிவு செய்திருப்பதும் கண்டிக்கத்தக்கது.

பொதுவாக தமிழகம் முழுவதுமே ஆதிதிராவிட மக்கள் பாதிக்கப்படும் பகுதிகளுக்கு மாவட்ட ஆட்சியா்கள் செல்வதில்லை. காவல்துறையினரும் முறையாக நடந்து கொள்வதில்லை. எனவே, இதுதொடா்பாக ஆட்சியா்கள், காவல் துறையினா் எப்படி நடந்து கொள்ள வேண்டும் என்பது பற்றி தமிழக முதல்வா் உரிய வழிகாட்டுதல்களை வழங்க வேண்டும்.

இலங்கைத் தமிழா் உச்ச நீதிமன்றத்தில் தொடா்ந்த வழக்கில், இந்தியா சத்திரமல்ல என்று சொல்லியிருக்கும் கருத்து மனிதாபிமானத்துக்குப் புறம்பானது. புலம்பெயா்வு என்பது உலகம் முழுவதும் நடைபெறுவதாகும்.

பஞ்சம் புகும் மக்களுக்கு அடைக்கலம் தருவது ஒரு தேசத்தின் கடமை. ஐநா மன்றமும் உரிய வழிகாட்டுதல்களைத் தந்திருக்கிறது. நீதிமன்றத்தின்இந்தக் கருத்து மனிதநேய அடிப்படைகளைத் தகா்க்கிறது என்றாா் அவா்.

பேரணி தேதி மாற்றம்: திருச்சி விமானநிலையத்தில் அவா் கூறியது: திருச்சியில் மே 31-ஆம் தேதி நடைபெறுவதாக இருந்த மதச் சாா்பின்மை காப்போம் பேரணி ஜூன் 14-ஆம் தேதிக்கு மாற்றப்பட்டுள்ளது. பல்கலைக்கழக விவகாரத்தில் உச்ச நீதிமன்ற தீா்ப்பு நடைமுறைப்படுத்தப்பட்டுள்ளது. இந்த விவகாரத்தில் உச்ச நீதிமன்ற தீா்ப்பை அவமதிக்கும் வகையில் குடியரசுத் தலைவரைக் கொண்டு பாஜக அரசு 14 கேள்விகளைக் கேட்க வைத்துள்ளது.

தமிழ்நாட்டில் மதச்சாா்பற்ற முற்போக்குக் கூட்டணி வலுவாக உள்ளது ‘இண்டி’ கூட்டணி வலிமையாக இல்லை என ப. சிதம்பரம் எதன் அடிப்படையில் கூறினாா் எனத்தெரியவில்லை. ஆனால் ‘இண்டி’ கூட்டணி தேவைப்படும் போது ஒன்றிணைந்து செயல்படும் என்றாா் அவா்.