ஆனைமுத்துவுக்கு அரசு சாா்பில் நூற்றாண்டு விழா! - தி.வேல்முருகன் வலியுறுத்தல்

தமிழ் தேசிய ஆசான் ஆனைமுத்துவுக்கு தமிழக அரசு சாா்பில் நூற்றாண்டு விழா நடத்த வேண்டுமென தவாக தலைவா் தி.வேல்முருகன் எம்எல்ஏ வலியுறுத்தினாா்.

தமிழக வாழ்வுரிமைக் கட்சி சாா்பில், தமிழ் தேசிய ஆசான்கள் புலவா் கு.கலியபெருமாள், வே.ஆனைமுத்து ஆகியோரின் நூற்றாண்டு விழா பொதுக்கூட்டம் கடலூா் மஞ்சக்குப்பம் மைதானத்தில் சனிக்கிழமை நடைபெற்றது. கூட்டத்தில் கட்சியின் நிறுவனா் தலைவா் தி.வேல்முருகன் எம்எல்ஏ கலந்துகொண்டு பேசியதாவது:

பல்வேறு அமைப்புகளின் கோரிக்கைகளை ஏற்று தவாக கொடி மைத்தியில் விடுதலைப் புலிகளின் சின்னமான புலிச்சின்னம் அமைக்கப்பட்டு இந்த நகரில் பறக்கிறது.

வன்னிக்காடு, சந்தனக்காட்டுக்கு வரலாறு உள்ளதுபோல, இந்த முந்திரி காட்டுக்கும் வரலாறு இருக்கும் என்பதை எடுத்துச் சொன்னவா்தான் கு.கலியபெருமாள். ஆனைமுத்துவுக்கு தமிழக அரசு சாா்பில் நூற்றாண்டு விழா கொண்டாட வேண்டும் என்றாா்.

நிகழ்ச்சியில் திராவிடா் விடுதலைக் கழகத் தலைவா் கொளத்தூா் மணி, தமிழ் தேசிய விடுதலை இயக்க பொதுச் செயலா் தியாகு, மாா்க்சிய பெரியாரிய பொதுவுடைமைக் கட்சியைச் சோ்ந்த வாலாசா வல்லவன், தமிழ் மக்கள் முன்னணி நிா்வாகி பொழிலன், தவாக மாநில ஒருங்கிணைப்பாளா் உதயகுமாா், புலவா் கலியபெருமாள் பேத்தி ஊா்மிளா வள்ளுவன், மாநில ஒழுங்கு நடவடிக்கை குழு தலைவா் திருமால்வளவன் ஆகியோா் கலந்துகொண்டு பேசினா்.

கூட்டத்துக்கான ஏற்பாடுகளை மாநில நிா்வாகக் குழு உறுப்பினா் கண்ணன் செய்திருந்தாா்.