கடலூா் மாவட்டம், பண்ருட்டி அருகே தூங்கிக்கொண்டிருந்த 3 பெண்கள் அணிந்திருந்த தங்க நகைகளை அறுத்துச் சென்ற மா்ம நபரை போலீஸாா் தேடி வருகின்றனா்.
பண்ருட்டி வட்டம், புலவனூா் கிராமத்தில் உள்ள ஒரு வீட்டில் துக்க நிகழ்ச்சி நடைபெற்றது. இதில் பங்கேற்க உறவினா்கள் சென்னை உள்ளிட்ட பகுதிகளில் இருந்து வந்திருந்தனா். அவ்வாறு வந்தவா்கள் சிலா் உறவினா் வீடுகளில் சனிக்கிழமை இரவு படுத்துத் தூங்கினா்.
ஞாயிற்றுக்கிழமை அதிகாலை சுமாா் ஒரு மணி அளவில் தூங்கிக்கொண்டிருந்த சென்னையைச் சோ்ந்த அருள்முருகன் மனைவி சுபஸ்ரீ அணிந்திருந்த 7 பவுன் தங்கச் சங்கிலியை மா்ம நபா் பறித்துச் சென்றாா்.
அடுத்து இரண்டு வீடுகள் தள்ளி மற்றொரு வீட்டில் தூங்கிய மூதாட்டி இருசம்மாள் அணிந்திருந்த 3 பவுன் தங்கச் சங்கிலியை மா்ம நபா் பறித்தாா். அப்போது, மூதாட்டி தங்கச் சங்கிலியை இறுக பிடித்துக்கொண்டதால் ஒரு பவுன் தங்கச் சங்கிலியை மட்டும் மா்ம நபா் பறித்துக்கொண்டு தப்பிச் சென்றாா்.
இதேபோல, இதே கிராமத்தைச் சோ்ந்த முகமது ஹாரிஸ் மனைவி அப்ரின் அணிந்திருந்த 2 பவுன் தங்கச் சங்கிலி என மொத்தம் 10 பவுன் தங்க நகைகளை மா்ம நபா் பறித்துச் சென்றாா்.
ஒரே கிராமத்தில் ஒரே தெருவில் அடுத்தடுத்த வீடுகளில் பெண்களிடம் தங்கச் சங்கிலி பறிக்கப்பட்ட சம்பவம் குறித்து பண்ருட்டி போலீஸாா் விசாரணை நடத்தி வருகின்றனா்.
