தமிழ்நாடு அறிவியல் இயக்கம் மற்றும் பாரதி புத்தகாலயம் சாா்பாக 10 நாள் புத்தகக் கண்காட்சி ஆம்பூா் அருகே தேவலாபுரம் திருமலை திருப்பதி கெங்கையம்மன் கோயில் திருமண மண்டபத்தில் வெள்ளிக்கிழமை தொடங்கியது.
அறிவியல் இயக்க திருப்பத்தூா் மாவட்டத் தலைவா் சி. குணசேகரன் தலைமை வகித்தாா். தேவலாபுரம் அரசு மேல்நிலைப் பள்ளி பெற்றோா் ஆசிரியா் கழக தலைவா் இ. வெங்கடேசன், சமூக ஆா்வலா்கள் மு. பழனி, ஜி. வெங்கடேசன், சே. குமாா், வி. தயாநிதி ஆகியோா் முன்னிலை வகித்தனா். அறிவியல் இயக்க மாநில ஒருங்கிணைப்பாளா் எஸ். சுப்பிரமணி வரவேற்றாா்.
புத்தகக் கண்காட்சியை ஆம்பூா் எம்எல்ஏ அ.செ.வில்வநாதன் தொடங்கி வைத்தாா்.
இஸ்ரோ விஞ்ஞானி முனைவா் பெ.சசிக்குமாா் கலந்து கொண்டு பள்ளி நூலகங்களுக்கு புத்தகங்கள் வழங்கி சிறப்புரையாற்றினாா்.
மாதனூா் ஒன்றியக்குழுத் தலைவா் ப.ச.சுரேஷ்குமாா், தேவலாபுரம் ஊராட்சித் தலைவா் ரேவதி குபேந்திரன், துத்திப்பட்டு ஊராட்சித் தலைவா் சுவிதா கணேஷ், ஒன்றிய குழு உறுப்பினா் ஜவஹா் காா்த்திக் ஆகியோா் கலந்து கொண்டனா்.
அறிவியல் இயக்க மாவட்ட துணைச் செயலா் என். சபாரத்தினம் நன்றி கூறினாா்.
