இருசக்கர வாகனத்தில் வந்து பெண்ணிடம் 5 பவுன் நகைகள் வழிப்பறி

திருச்சியில் சாலையில் நடந்துசென்ற பெண்ணிடம் 5 பவுன் தங்க நகைகளை வழிப்பறி செய்தவா் குறித்து போலீஸாா் விசாரணை நடத்தி வருகின்றனா்.

திருச்சி திருவெறும்பூா் அருகே உள்ள பனையக்குறிச்சி ஏஆா்கே நகரைச் சோ்ந்தவா் வெற்றிவேல் முருகன் மனைவி பாமா (47). இந்நிலையில் இவா், தனது வீட்டுக்கு அருகே சஞ்சீவி நகா் பிரதான சாலை எம்ஜிஆா் வீதியில் வெள்ளிக்கிழமை இரவு நடந்து சென்றுகொண்டிருந்தாா்.

அப்போது, பின்னால் இருசக்கர வாகனத்தில் வந்த நபா் ஒருவா், அவா் அணிந்திருந்த 5 பவுன் தங்கச் சங்கிலியைப் பறித்துக்கொண்டு அங்கிருந்து தப்பினாா்.

இதுகுறித்து கோட்டை காவல் நிலையத்தில் பாமா அளித்த புகாரின்பேரில், போலீஸாா் வழக்குப் பதிந்து விசாரணை நடத்தி வருகின்றனா்.