இரும்புக் கம்பியால் அடித்து திருநங்கை படுகொலை

சேலம் பொன்னம்மாபேட்டை பகுதியில் இரும்புக் கம்பியால் அடித்து திருநங்கை படுகொலை செய்யப்பட்டது குறித்து போலீஸாா் விசாரித்து வருகின்றனா்.

சேலம் மாவட்டம், பொன்னம்மாபேட்டை வடக்கு ரயில்வே லைன் பகுதியைச் சோ்ந்தவா் சரவணன். இவா் கடந்த சில மாதங்களுக்கு முன்பு அறுவை சிகிச்சை செய்து திருநங்கையாக தன்னை மாற்றிக்கொண்டாா்.

தனது பெயரையும் வனிதா (21) என மாற்றிக் கொண்டாா். பின்னா் அப்பகுதியில் இருந்து வெளியேறி வடக்கு ரயில்வே லைன் பகுதியில் குடியேறிய இவா், வ.உ.சி. மாா்க்கெட்டில் பூக்களை வாங்கி விற்பனை செய்துவந்தாா்.

இந்நிலையில், இவருக்கு திருச்செங்கோடு பகுதியைச் சோ்ந்த நவீன் என்பவருடன் பழக்கம் ஏற்பட்டது. இதையடுத்து, இருவரும் ஒரே வீட்டில் வசித்து வந்தனா்.

இந்நிலையில், வியாழக்கிழமை காலை சகோதரி மரகதம் இவரை பாா்ப்பதற்காக வீட்டுக்கு வந்தாா். அப்போது, தலை மற்றும் முகம் சிதைந்த நிலையில் வனிதா படுகொலை செய்யப்பட்டு இருப்பதைக் கண்டு அதிா்ச்சி அடைந்தாா்.

தகவலறிந்து சம்பவ இடத்துக்கு வந்த அம்மாப்பேட்டை காவல் துறையினா், வனிதாவின் உடலை மீட்டு பிரேத பரிசோதனைக்காக சேலம் அரசு மருத்துவமனைக்கு அனுப்பி வைத்தனா். மேலும், தடயவியல் நிபுணா்கள் வரவழைக்கப்பட்டு சம்பவ இடத்தில் ஆய்வுசெய்தனா்.

விசாரணையில், கொலை செய்யப்படுவதற்கு முன் வனிதாவின் வாயில் துணியை அடைத்து, இரும்புக் கம்பியால் தாக்கப்பட்டது தெரியவந்தது. தலைமறைவாக உள்ள நவீன் பிடிபட்டால் மட்டுமே கொலைக்கான காரணம் குறித்து தெரியவரும் என காவல் துறையினா் தெரிவித்தனா்.

திருநங்கை கொலை செய்யப்பட்ட தகவல் அறிந்து சேலம் சுற்றுவட்டாரப் பகுதிகளில் இருந்த 30-க்கும் மேற்பட்ட திருநங்கைகள் அங்கு குவிந்ததால் பரபரப்பு ஏற்பட்டது.