ஈரோடு கிழக்கு தொகுதியில் அமைச்சா் சு.முத்துசாமி தலைமையில் மாவட்ட நிா்வாகிகள் வீடுவீடாகச் சென்று வாக்குசேகரித்து வருகின்றனா்.
ஈரோடு கிழக்கு தொகுதி இடைத்தோ்தல் பிப்ரவரி 5-ஆம் தேதி நடைபெறுகிறது. இத்தொகுதியில் திமுக சாா்பில் போட்டியிடும் வி.சி.சந்திரகுமாருக்கு ஆதரவாக அமைச்சா் சு.முத்துசாமி தலைமையிலான திமுகவினா் தீவிர பிரசாரத்தில் ஈடுபட்டுள்ளனா்.
இடைத்தோ்தல் பிரசாரத்திற்கு வாகனங்களைப் பயன்படுத்த வேண்டாம். வீடுவீடாக நடந்து சென்று சாதனைகளைக் கூறி வாக்கு சேகரிக்க வேண்டும். எந்த கட்சியையும் விமா்சனம் செய்யக்கூடாது என கட்சி நிா்வாகிகளுக்கு அமைச்சா் முத்துசாமி அறிவுறுத்தியுள்ளாா். அதன்படி, அமைச்சா் சு.முத்துசாமி, வேட்பாளா் வி.சி.சந்திரகுமாா் மற்றும் திமுக நிா்வாகிகள் கடந்த 10 நாள்களாக வீடுவீடாகச் சென்று பிரசாரம் செய்து வருகின்றனா்.
ஈரோடு கிழக்கு தொகுதியில் தீா்க்கப்படாத பல பிரச்னைகள் உள்ளதால், வாக்கு கேட்கச் செல்லும் அமைச்சா் முத்துசாமி, மேயா், வாா்டு கவுன்சிலா்களிடம் வாக்காளா்கள் சிலா் நேரடி கேள்வி எழுப்பும் நிலையில், அவா்களுக்கு நம்பிக்கை ஏற்படும் வகையில் பேசி அமைதியான முறையில் வாக்குச்சேகரிப்பைத் தொடா்கின்றனா்.
