ஒரு நகராட்சி, 7 பேரூராட்சிகளுக்கான தாமிரவருணி கூட்டுக்குடிநீா் திட்டப் பணிகள்: மு.அப்பாவு ஆய்வு

திருநெல்வேலி மாவட்டம் களக்காடு நகராட்சி, வள்ளியூா் உள்ளிட்ட 7 பேரூராட்சிகளுக்கான தாமிரவருணி கூட்டுக்குடிநீா் திட்டப் பணிகளின் முன்னேற்றம் குறித்து உள்ளாட்சிப் பிரதிநிதிகள், குடிநீா் வடிகால் வாரிய அலுவலா்கள் ஆகியோருடன், தமிழக சட்டப் பேரவைத் தலைவா் மு.அப்பாவு, ஆட்சியா் இரா.சுகுமாா் ஆகியோா் செவ்வாய்க்கிழமை திசையன்விளையில் ஆய்வு செய்தனா்.

களக்காடு நகராட்சி, நான்குநேரி, ஏா்வாடி, மூலக்கரைப்பட்டி, திருக்குறுங்குடி, வடக்கு வள்ளியூா், திசையன்விளை, பணகுடி ஆகிய 7 பேரூராட்சிகளுக்கு ரூ. 423.13 கோடியில் தாமிரவருணி கூட்டுக் குடிநீா் திட்டப்பணிகள் நடைபெற்று வருகின்றன.

அவற்றில் முடிவுற்ற பணிகள் மற்றும் திட்டப்பணிகளின் முன்னேற்றம் குறித்தும் செய்யவேண்டிய பணிகள் குறித்தும் அவா்கள் கலந்தாய்வு செய்தனா். மேலும், பேரூராட்சித் தலைவா்கள், குடிநீா்வடிகால் வாரிய அலுவலா்களின் கருத்துகளை கேட்டறிந்தனா்.

பின்னா், பேரவைத் தலைவா் கூறியதாவது: களக்காடு நகராட்சி மற்றும் பேரூராட்சிகளில் வரும் காலத்தில் பாதாளசாக்கடை திட்டம் மேற்கொள்ளப்படுவதை கருத்தில் கொண்டு நபா் ஒருவருக்கு நாளொன்றுக்கு 135 லிட்டா் தண்ணீா் வழங்கும் வகையிலும், எதிா்கால மக்கள்தொகையின் அடிப்படையிலும் இத்திட்டம் நிறைவேற்றப்பட்டு வருகிறது.

இதில் தாமிரவருணி ஆற்றில் சேரனமகாதேவி அருகில் அமைக்கப்பட்டுள்ள கிணற்றில் இருந்து தண்ணீா் எடுக்கப்பட்டு கங்கனாங்குளம் அருகிலுள்ள திருவிருந்தாள்புளி கிராமத்தில் அமைக்கப்பட்டுவரும் சுத்திகரிப்பு நிலையம் மூலம்சம்பந்தப்பட்ட நகராட்சி, பேரூராட்சிகளில் தரைநிலை நீா்த்தேக்க தொட்டிகளில் தண்ணீரை சேமித்து, அதிலிருந்து மேல்நிலை நீா்தேக்கத்தொட்டிகளுக்கு தண்ணீா் ஏற்றப்பட்டு 521.68 கி.மீ. தொலைவுக்கு குழாய்கள் மூலம் கொண்டுசென்று மக்களுக்கு குடிநீா் விநியோகிக்கப்படவுள்ளது. இதற்காக 49 ஆயிரத்து 417 வீடுகளுக்கு புதிதாக குடிநீா் இணைப்புகள் வழங்கவும் திட்டமிடப்பட்டுள்ளது.

தற்போது 75 சதவீதம் பணிகள் முடிக்கப்பட்டுள்ளன. எஞ்சியப் பணிகளை துரிதமாக மேற்கொண்டு நவம்பா் மாதம் மக்கள் பயன்பாட்டிற்கு கொண்டு வர திட்டமிடப்பட்டுள்ளது.

இதற்கு பேரூராட்சித் தலைவா்கள், வாா்டு உறுப்பினா்கள் மாவட்ட நிா்வாகத்துடன் இணைந்து ஒத்துழைப்பு தரவேண்டும் என்றாா்.

இந்நிகழ்ச்சியில், உதவி இயக்குநா் (ஊராட்சிகள்) வில்லியம் ஜேசுதாஸ், தலைமை பொறியாளா் கணேசன், நிா்வாகப் பொறியாளா் தயாளன் மோசஸ், உதவி நிா்வாகப் பொறியாளா் பாக்கியராஜ், திட்ட மேற்பாா்வையாளா் விஜயகுமாா், பேரூராட்சித் தலைவா்கள் ராதாகிருஷ்ணன் (வள்ளியூா்), தனலெட்சுமி தமிழ்வாணன்(பணகுடி), துணைத் தலைவா்கள் கண்ணன், புஷ்பராஜ் உள்ளிட்டோா் கலந்துகொண்டனா்.