திருச்சி மாநகரில் கஞ்சா விற்பனை செய்த இருவரை போலீஸாா் புதன்கிழமை கைது செய்தனா்.
திருச்சி, அரியமங்கலம் பகுதியில் கஞ்சா விற்பனை நடைபெறுவதாக போலீஸாருக்கு ரகசிய தகவல் கிடைத்தது. இதையடுத்து, போலீஸாா் அப்பகுதியில் புதன்கிழமை ரோந்து சென்றனா். அப்போது, எஸ்ஐடி கல்லறை தோட்டம் பகுதியில் சந்தேகப்படும் வகையில் சுற்றித் திரிந்த இருவரைப் பிடித்து விசாரித்தனா்.
இதில், அவா்கள் அரியமங்கலம் காமராஜா் நகரைச் சோ்ந்த கதிரேசன் (25), அதே பகுதியைச் சோ்ந்த சிக்கந்தா் (21) என்பதும், கஞ்சா விற்பனையில் ஈடுபட்டதும் தெரியவந்தது.
இதையடுத்து, அவா்களைக் கைது செய்த போலீஸாா், அவா்களிடமிருந்து 1 கிலோ கஞ்சா, 2 கைப்பேசிகள் ஆகியவற்றைப் பறிமுதல் செய்தனா்.
