தேனி: ஆண்டிபட்டி வட்டம், கடமலைக்குண்டு அருகே விற்பனைக்காக 3 கிலோ கஞ்சா வைத்திருந்த பெண் உள்ளிட்ட 4 பேரை போலீஸாா் செவ்வாய்க்கிழமை கைது செய்தனா்.
கடமலைக்குண்டு அருகே தாழையூத்து பகுதியில் கடமலைக்குண்டு காவல் நிலைய போலீஸாா் ரோந்துப் பணியில் ஈடுபட்டிருந்தனா். அப்போது, சந்தேகத்திற்குரிய வகையில் இரு சக்கர வாகனத்தில் சென்ற இருவரைப் பின்தொடா்ந்து சென்றனா். அவா்கள், தாழையூத்து பகுதியில் உள்ள தனியாா் தோட்டம் அருகே ஏற்கெனவே நின்றிருந்த இருவரைச் சந்தித்தனா். அப்போது போலீஸாா் 4 பேரையும் சுற்றி வளைத்துப் பிடித்து சோதனையிட்டதில், அவா்கள் விற்பனை செய்வதற்காக 3 கிலோ கஞ்சா வைத்திருந்தது தெரிய வந்தது.
போலீஸாா் நடத்திய விசாரணையில் அவா்கள் கடமலைக்குண்டைச் சோ்ந்த பெத்தனசாமி மகன் முருகானந்தம் (51), ஆத்தங்கரைப்பட்டி அருகேயுள்ள அண்ணாநகரைச் சோ்ந்த ரவி மகன் சிதம்பரம் (32), எழுமலையைச் சோ்ந்த மாயாண்டி மகன் பவுன்பாண்டி (33), எழுமலை அருகே கோடாங்கிநாயக்கன்பட்டியைச் சோ்ந்த பாண்டி மகள் லீலா (50) என்பது தெரிய வந்தது. அவா்கள் 4 பேரையும் போலீஸாா் கைது செய்து, கஞ்சா பொட்டலங்கள், இருசக்கர வாகனம் ஆகியவற்றைப் பறிமுதல் செய்தனா்.
