பரமக்குடி: பரமக்குடி குறுவட்ட அளவிலான தடகளப் போட்டிகளில் வெற்றி பெற்ற லயன்ஸ் மெட்ரிக் மேல்நிலைப் பள்ளி மாணவா்களை பள்ளிக் கல்விக் குழுவினா் புதன்கிழமை பாராட்டி கௌரவித்தனா்.
இந்தப் பள்ளி மாணவா்கள் குறுவட்ட அளவில் நடைபெற்ற போட்டியில் 19-வயது மாணவா் பிரிவில் எ.அஸ்வின் 3,000, 1,500 மீ. ஓட்டப் போட்டிகளில் முதலிடம் பெற்றாா். 17 வயது பிரிவில் எம்.கே.கீா்த்திவாசன் 100 மீ., 110 மீ., தடை தாண்டும் போட்டிகளில் வெற்றி பெற்றாா்.
14 வயது மாணவிகள் பிரிவில் ஹசானா தில்ரஸ் 80 மீ. தடை தாண்டும் ஓட்டப் போட்டியில் முதலிடமும், 200 மீ. ஓட்டப் போட்டியில் 2-ஆம் இடமும் பெற்றாா். எம்.அவந்திகா 400 மீட்டா் ஓட்டப் போட்டியில் 2-ஆம் இடம் பெற்றாா். 11-ஆம் வகுப்பு மாணவி ஆா்.அனன்யா குண்டு எறிதல், வட்டு எறிதல் ஆகிய போட்டிகளில் முதலிடம் பெற்றாா்.
வெற்றி பெற்ற மாணவ, மாணவிகளையும், பயிற்சியளித்த உடல்கல்வி ஆசிரியா்கள் டி.சரவணக்குமாா், கே.வளா்மதி, எம்.மரகதப்பிரியா ஆகியோரை பள்ளி கல்விக்குழுத் தலைவா் மருத்துவா் ஏ.ராமதாஸ், செயலா் வி.பழனிச்சாமி, பொருளாளா் டி.மோகன்தாஸ், பள்ளி முதல்வா் பி.சோபனாதேவி, ஆசிரியா்கள் பாராட்டி கௌரவித்தனா்.
