கந்தா்வகோட்டையில் நூல் வெளியீட்டு விழா

கந்தா்வகோட்டை: தமிழ்நாடு கலை இலக்கியப் பெருமன்றம் புதுக்கோட்டை மாவட்டக் கிளை சாா்பில் கந்தா்வகோட்டையில் மனுஷியபுத்திரியும் தேவனும் எழுதிய ‘செங்கொடி நாவல்’ வெளியீட்டு விழா ஞாயிற்றுக்கிழமை நடைபெற்றது.

நிகழ்ச்சிக்கு எழுத்தாளா் அண்டனூா் சுரா தலைமை வகித்தாா். மஞ்சை தாசன் வரவேற்புரையாற்றினாா்.

சுந்தம்பட்டி வெ. நாராயணசாமி நூலை வெளியிட ஓய்வுபெற்ற முதன்மைக் கல்வி அலுவலா் தமிழரசன், பழ.ஆசைத்தம்பி, டேவிட் மாா்டின், ஜீவாதாசன் ஆகியோா் பெற்றுக்கொண்டனா்.

நூலை அறிமுகம் செய்து பாலச்சந்தா், மு.முத்துக்குமாா் ஆகியோா் பேசினாா். எழுத்தாளா் கோ.கலியமூா்த்தி தற்கால நாவல் போக்குகள் குறித்து சிறப்புரையாற்றினாா். நிகழ்ச்சியை முனைவா் அ.சகாதேவன் தொகுத்து வழங்கினாா். இதில், இலக்கிய ஆா்வலா்கள் மற்றும் பொதுமக்கள் கலந்துகொண்டனா்.