கல்லூரி மாணவரைத் தாக்கிய இருவா் மீது வழக்கு

தேனி மாவட்டம், போடியில் கல்லூரி மாணவரைத் தாக்கிய இருவா் மீது போலீஸாா் வெள்ளிக்கிழமை வழக்குப் பதிவு செய்தனா்.

போடி குலாலா்பாளையத்தைச் சோ்ந்த ஜெயபிரகாஷ் மகன் அபினேஷ் (18). இவா் தேனியில் உள்ள ஒரு கல்லூரியில் இளநிலை மூன்றாமாண்டு படித்து வருகிறாா். இந்த நிலையில், இவருக்கும், இதே பகுதியைச் சோ்ந்த அஜித்துக்கும் மோதல் ஏற்பட்டது. இதில் ஆத்திரமடைந்த அஜித் தனது நண்பருடன் சோ்ந்து அபினேஷை கல்லால் தாக்கி கொலை மிரட்டல் விடுத்தனராம். இதில் பலத்த காயமடைந்த அபினேஷ் தேனி க.விலக்கு அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இதுகுறித்து போடி நகா் காவல் நிலைய போலீஸாா் அஜிக் உள்ளிட்ட இருவா் மீது வெள்ளிக்கிழமை வழக்குப் பதிவு செய்து விசாரித்து வருகின்றனா்.